რომის პაპი თბილისს 30 სექტემბერს, დღის სამ საათზე ეწვია და უკვე შედგა რეგლამენტით დაგეგმილი შეხვედრები ქვეყნის პირველ პირებთან.
„მოგესალმებით იმ ერის სახელით, რომელიც არის წილხვედრი ყოვლადწმინდისა მარიამისა; მოგესალმებით იმ ეკლესიის სახელით, რომელსაც საფუძველი იესო ქრისტეს მოწაფეებმა დაუდეს. ყველასათვის ცნობილია, რომ რომის ეკლესია დააარსა წმ. პეტრე მოციქულმა, საქართველოს ეკლესია კი, – წმ. ანდრია პირველწოდებულმა; პეტრე და ანდრია ძმები იყვნენ და ჩვენც განსაკუთრებული ურთიერთობა გვქონდა და გვმართებს.“– ამ სიტყვებით მიმართა პაპ ფრანცისკეს კათოლიკოს პატრიარქმა ილია მეორემ.
უწმინდესმა ისაუბრა მსოფლიოში არსებულ გამოწვევებზე- ტერაქტებზე, ომებზე, ლტოლვილებზე, შიმშილსა და ეკოლოგიური პრობლემებზე, ხაზი გაუსვა, რომ ეს „პრობლემები არ მოიხსნება, ვიდრე ხელისუფლებები არ გააცნობიერებენ ღვთის რწმენის მნიშვნელობას და საზოგადოებაშიც მის დანერგვას ხელს არ შეუწყობენ“.
პრეზიდენტის სასახლეში სიტყვით გამოსვლისას პაპმა ძალადობრივ ექსტრემიზმზე გაამახვილა ყურადღება, რომელიც „მანიპულირებს სამოქალაქო თუ რელიგიური პრინციპებით და ამახინჯებს მათ“. ასევე, შეაფასა საქართველოს 25 წლიან დამოუკიდებლობის პერიოდი და აღნიშნა, რომ ვაჟკაცურად, დიდი მსხვერპლის ფასად შეძლო ქართველმა ხალხმა განემტკიცებინა დემოკრატიული ინსტიტუტები, დესახა საყოველთაო და ჭეშმარიტი განვითარების გზები.
პაპი ფრანცისკე- „გისურვებთ, რომ მშვიდობისა და განვითარების გზაზე ხელიხელჩაკიდებულს ევლო საზოგადოების ყველა წევრს, რაც შექმნიდა სტაბილურ, სამართლიანსა და კანონისადმი პატივისცემით აღსავსე გარემოს, რომელიც უზრუნველჰყოფდა საზოგადოების ზრდას და ყველასათვის ხელსაყრელი შესაძლებლობების შექმნას.“
საქართველოს პრეზიდენტმა, მადლობა გადუხადა რომის პაპას სტუმრობისთვისა და მარდაჭერისთვის, რომლსაც დამოუკიდებლობის აღდენიდან დღემდე იჩენს ვატიკანი ჩვენი ქვეყნის მიმართ. შეხვედრისას ისაუბრეს ორი ეკლესიის თანამშრომლობის მარავლწლიან ისტორიაზე, ორმხრივი დიალოგის მნიშვნელობასა და ქვეყნის ოკუპირებულ ტერიტორიებზე.
„თქვენო უწმინდესობავ, თქვენ იმყოფებით, ღვთისმშობლის წილხვედრ ქვეყანაში, რომელიც დღეს უცხო ქვეყნის სამხედრო აგრესიის მსხვერპლია. ჩვენი ტერიტორიების 20 პროცენტი ოკუპირებულია და მოსახლეობის თითქმის 15% დევნილადაა ქცეული. ამ ადამიანებს წაართვეს საცხოვრებელი მხოლოდ იმიტომ, რომ ისინი ეთნიკურად ქართველები არიან! ჩვენგან სულ რაღაც 40-ოდე კილომეტრში გავლებულია მავთულხლართები, რომლებიც მშვიდობიან მოსახლეობას, მეზობლებს, ნათესავებს ერთმანეთთან ურთიერთობას უკრძალავს! ამის მიუხედავად, ჩვენ არ ვეძებთ კონფრონტაციის გზებს, ჩვენ ვეძებთ გზებს ჩვენი ქვეყნის დეოკუპაციისა და მშვიდობისათვის! დევნილი მოსახლეობის დაბრუნება ჩვენი უპირველესი ამოცანაა. პოლიტიკური კონიუნქტურის გამო ადამიანები არ უნდა იტანჯებოდნენ და მათ უნდა დაუბრუნდეთ საკუთარ სახლებში ცხოვრების უფლება.“– აღნიშნა გიორგი მარგველაშვილმა.
რომის პაპმა იმ კავშირების განვითრებაზე ისაუბრა, რაც ორ ეკლესიას შორის ქრისტიანობის პირველივე საუკუნეებიდან არსებობს, სურვილი გამოთქვა „გულწრფელად უმეგობროს“ ქართველ ხალხს. „ღვთის განგებამ ისევ შეგვახვედრა ერთმანეთს და გულწმოწყალებას, ერთობასა და მშვიდობას მოწყურებული მსოფლიოს წინაშე მოგვიწოდებს, რომ ჩვენს შორის არსებულ კავშირებს ახალი ბიძგი მივცეთ, ახალი გზნებით აღვავსოთ. სწორედ ამის ნათელი ნიშანია ჩვენი მშვიდობის ძმური ამბორი. სამოციქულო ქადაგებაში, განსაკუთრებით კი ანდრია მოციქულში ფესვგადმულ საქართველოს მართლმადიდებელ ეკლესიასა და პეტრე მოციქულის მოწამეობაზე დაფუძნებულ რომის ეკლესიას დღეს აქვთ მადლი სამოციქულო ძმობის სიმშვენიერის განახლებისა, იესო ქრისტეს სახელითა და მის სადიდებლად.“-აღნიშნა პაპმა ფრანცისკემ კათოლიკოს-პატრიარქის რეზიდენციაში გამართულ შეხვედრაზე.
მიუხედავად საპატრიარქოს მიერ გამოქვეყნებული ოფიციალური განცხადებისა და საზოგადოების სიმშვიდისკენ მოწოდებისა საპროტესტო აქციით შეხვდნენ რომის პაპს გუშნი, აეროპორტში „მართლმადიდებელ მშობელთა კავშირის“ წარმომადგენლები, ზოგიერთი სამღვდელო პირი და მათი მხარდამჭერები, ხოლო დღეს მიხეილ მესხის სახელობის სტადიონთან გადმოინაცვლეს და კათოლიკური მესის პარალელურად გამართეს მიტინგი, ლოზუნგით: “პაპი სულიერი აგრესორია”.
მესას ქვეყნის სხვდასხვა რეგიონიდან ჩამსული კათოლიკები, პრეზიდენტი, საკანონმდებლო და აღმასრულებელი ხელისუფლების წარმომადგენლები, სხვდასხვა კონფესიისა და დიპლომატიური კორპუსის წევრები ესწრებოდნენ.
წმინდა წირვის მთავრი თემა იყო „მშვიდობა თქვენდა“. პაპმა ფარნციკემ ყურადღება გაამხავილა თავმდაბლობაზე, სიყვარულზე და ადამიანებამდე ღვთის ნუგეშის მიტანის საჭიროებაზე.
„თქვენი ქვეყნის მდიდარ საგანძურში განსაკუთრებული ადგილი უჭირავს ქალთა ღირებულებას. როგორც ყრმა იესოს დედა ტერეზა წერდა, რომელსაც დღეს მოვიხსენიებთ, ღმერთი გაცილებით მეტ ქალს უყვარს, ვიდრე მამაკაცს. საქართველოში უამრავი ბებია და დედააა, რომელიც კვლავაც ინახავენ და გადასცემენ ქართულ მიწაზე წმინდა ნინოს მიერ დათესილ რწმენას და ღვთიური ნუგეშის მაცოცხლებელი წყალი მიაქვთ უამრავ გაუდაბურებულ და მტრულ ვითარებაში. ეს გვეხმარება უკეთ შევიცნოთ სილამაზე დღევანდელ პირველ საკითხავში მოსმენილი უფლის სიტყვებისა, როგორც დედა ანუგეშებს შვილს ისე განუგეშებთ მეც.“- აღნიშნა პაპმა.
შეგახსენებთ, რომ საქართველოს საპატრიარქომ ოფიციალურად განაცხადა, რომ რომის პაპის წინააღმდეგ გამოსვლებს მიუღებლად თვლის და მის მიერ თბილისში მესის ჩატარება მართლმადიდებლების კათოლიკეებად მოქცევის მცდელობად მიჩნევა დაუშვებელია.
დღესვე მარიამის ზეცად აღყვანების საკათედრო ტაძარში, დაგეგმილია პაპის შეხვედრა მღვდლებსა და ბერ-მონაზვნებთან, სადაც რომის პაპი შეკრებილ სასულიერო პირებს, სიტყვით მიმართავს. საქართველოში მყოფი პაპი ფრანცისკე დღის მეორე ნახევარში, საქართველოს პატრიარქთან ერთად მცხეთას ეწვევა და სვეტიცხოვლის ტაძარს დაათვალიერებს.
სოფიკო ნინიკაშვილი
