2016 წლის თებერვალის მონაცემებით, ქვეყანაში რეგისტრირებული ბიზნეს სუბიექტების რაოდენობამ 4 231 ერთეული შეადგინა. ინფორმაციას ამის შესახებ საჯარო რეესტრის ეროვნული სააგენტო აქვეყნებს. ოფიციალური მონაცემებით, 95.7% სამეწარმეო სუბიექტია (ინდივიდუალური მეწარმე, სოლიდარული პასუხისმგებლობის საზოგადოება, შეზღუდული პასუხისმგებლობის საზოგადოება, სააქციო საზოგადოება, კომანდიტური საზოგადოება, კოოპერატივი, უცხოური სამეწარმეო იურიდიული პირის ფილიალი), ხოლო 4.3% -არასამეწარმეო სუბიექტი (არასამეწარმეო იურიდიული პირი, უცხოური არასამეწარმეო იურიდიული პირის ფილიალი, საჯარო სამართლის იურიდიული პირი).
ამავე თვეში, ბიზნესის რეგისტრაციის თვის ინდექსი 0.967 დონეზე დაფიქსირდა. 2016 წლის თებერვალში გასულ თვესთან შედარებით სამეწარმეო სუბიექტების რაოდენობა 48.1%-ით, ხოლო არასამეწარმეო სუბიექტების რაოდენობა 134.6%-ით გაიზარდა. მსგავსი ტენდენციაა წინა წლის იმავე თვესთან შედარებითაც.
წლების განმავლობაში ქვეყანაში ბიზნესგარემოს გაუმჯობესების მიზნით არაერთი პროექტი განხორციელდა. რომლის მიზანი ქავეყანაში მცირემეწარმეობის განვითარება იყო. განხორციელებული პროექტების წარმატებას ქვეყანაში რეგისტრირებული ბიზნეს სუბიექტების რაოდენობაც მეტყველებს.
გარდა საკანონმდებლო ცვლილებებისა, ბინზესგარემოს გაუმჯობესებას და მის ღიაობას განაპირობებს ასევე ზოგადი დამოკიდებულება მცირე ბიზნესის მიმართ. ბევრს სტუდენტსა თუ ახალგაზრდას უფიქრია წამოეწყო მცირე ბიზნესი, რომლის საშუალებითაც შეძლებდა საკუთარი უნარების განვითრებას და ასევე ექნებოდა სტაბილური შემოსავლის წყარო. მიუხედავად მათი მონდომებისა, უმეტესი მათგანი თანხის არქონაზე, მკაცრ ბიუროკრატიაზე და ისეთ ფაქტორებზე საუბრობს, რომლებიც ხელს უშლის მათ ბიზნესის წამოწყებაში.
თუმცა, ამ მხრივ გამონაკლისს წარმოადგენს აგრარული უნივერსიტეტის სტუდენტი, 23 წლის გიორგი ფოფხაძე. მას არ გასჭირვებია საინტერსო ჩანაფიქრისთვის შეესხა ფრთები და იდია რეალობად ექცია. მიუხედავად იმისა, რომ გიორგი სტუდენტია, მას მცირე ბიზნესში საკმაოდ დიდი გამოცდილება აქვს.ჯერ კიედევ მაშინ, როდესაც მეორე კურსზე მცირემეწარმის სტატუსით წამოიწყო ბიზნესი უნივერსიტეტში, რომელიც საკმაოდ კარგად გამოსდიოდა, თუმცა მთელი რიგირ მიზეზეების გამო, მისი დატოვება მოუწია და ის დღეს მსხვილი ბიზნესითაა დაკავებული.
“თბილისი თაიმსს” ახალგაზრდა მეწარმე, გიორგი ფოფხაძე მის საქმიანობაზე, წამოწყებულ ბიზნესზე და სამომავლო გეგმებზე ესაუბრა.
როდის და რატომ გადაწყვიტეთ გამხდარიყავით მცირემეწარმე და შეგექმნათ საკუთარი ბიზნესი?
– ჩემი პირველი ბიზნესი ტკბილეულს უკავშირდება. აგრუნის კაფეტერიაში ტკბილეულის კუთხის გახსნის იდეა მეორე კურსის პირველ სემესტრში სრულიად სპონტანურად მომივიდა. ერთ ჩვეულებრივ დღეს კაფეტერიაში ვისხედით მე და ჩემი მეგობარი და გემრიელად მივირთმევდით უგემრიელეს მექსიკურ ჰოთდოგს. ვინაიდან ტკბილეულის დიდი მოყვარული ვარ მშვიდად ვეუბნები მეგობარს სამწუხაროა, რომ ტკბილეული არ ააქვთ-თქო. მანაც მოკლედ მიპასუხა „კარგი იქნებოდა რომ ჰქონდათ“. იმ დღიდანვე გამიჩნდა სურვილი გამეხსნა ტკბილეულის კუთხე აგრუნის კაფეტერიაში. სულ მალე ეს სურვილი გამოწვევად მექცა და მიმდინარე ოთხი დღის ყოველი დილა იწყებოდა თუ რა გზებისთვის მიმემართა სასურველი გამოწვევის მისაღწევად. სულ რაღაც ოთხ-ხუთი დღე დამჭირდა, იმისთვის, რომ შემედგინა ბიზნეს გეგმა და მომეგვარებინა ყველა მნიშვნელოვანი პრობლემა. ასე სრულიად სპონტანურად გაჩნდა აგრუნის კაფეტერიაში ტკბილეულის კუთხე და ჩემი პირველი
როგორ შეძელით ამ იდეის განხორციელება?
ამ იდეის განხოეციელება დავიწყე ჩემს მეგობარ გიორგი კიტიასტან ერთად. გავუზიარე ჩემი იდეა, მოეწონა „ვცადოთ რატომაც არაო“. კარგად გავაანალიზეთ. ახალ წამოწყებაზე რისკები მინიმუმამდე დავიყვანეთ და დავიწყეთ იდეის რეალობად ქცევა. აგრარულმა უნივერსიტეტმა ყველა პირობა შეგვიქმნა, რომ იდეა მართლა რეალობად გვექცია ყოველგვარი დროში გაწელვის და ზედმეტი წინაღობების გარეშე იდეის დაფიქსირების შემდეგ სასურველ ფართზე გაგვიფორმეს იჯარის ხელშეკრულება.
რაც შეეხება, ფინანსურ მხარეს, პირველადი წამოწყებისთვის როგორ მოიპოვეთ თანხა ვინ დაგეხმარათ ბიზნესის დაწყებაში?
სრულიად მიზერულ თანხად შევძელით ერთი ცარიელი კედლიდან 5 კვადრატული ობიექტის შექმნა. ზუსტად არ მახსოვს, მაგრამ დაახლოებით 1300 ლარი დაგვჭირდა. იდეაზე მეტად მონდომება მოსწონდათ და ძალიან მარტივად დაგვიფინანსეს. რამდენიმე თვეში გარკვეული მიზეზების გამო, ჩემი პირველი ბიზნესი მალევე დიხურა. თუმცა, ეს მცირე კაფეტერია ძალიან ბევრს ნიშნავდა ჩემთვის, იქიდან ვისწავლე, როგორ უნდა დაგეგმო და მარტო ბიზნესი სწორად.
რაც შეეხება, ახალ წამოწყებას,რატომ გადაწყვიტეთ სრულიად განსხვავებული კუთხით გაგეგრძელებინათ თქვენი ბიზნესი?
რაც შეეხება ამჯერად ჩემს მოქმედ ბიზნეს ამ ეტაპზე დაკავებული ვარ „ბარგალკის“ საჭრელი და სალესი ქვების შემოტანით, რომელიც შემოგვაქვს რუსეთიდან. მისი შემოტანის იდეა 2016 წლის მარტიდან გამიჩნდა, მას შემდეგ რაც მივხვდი, რომ ამ კუთხით შემეძლოა ახალი საქმე წამომეწყო. მთავარი პარტნიორის მოძიებაა, ადამიანის, ვინც დაინტერსდბა მსგავსი წამოწყებით. ასეთის მოძიება არ გამჭირვებია. ერთმანეთის ინტერესების გათვალისწინებით წამოვიწყეთ ეს საქმე. მარტივია და ადვილად ვართმევ თავს-თქო ვერ ვიტყვი უბრალოდ ამ საქმის მართვა მიჯდება იმ თავისუფალი დროის ფასად რა დროც ამ საქმის დაწყებამდე მქონდა. მთავარი საქმის დაწყების დიდი სურვილია და იმის ცოდნა, როოგო და რა საშუალებიტ მიაღწიო მიზანს, სხვა ყველაფერი ადვილად გამოვა.
სახელმწიფოსთან ხომ არ გქონიათ რაიმე სახის პრობლემა საქონლის იმპორტთან დაკავშირებით?
სახელმწიფოსთან ურთიერთობა სრულიად მარტივი გზებითაა შესაძლებელი. უბრალოდ საჭიროა დააკმაყოფილო მოთხოვნილი პირობები კერძოდ – საბაჟო საბუთები. გავიარე პროცედურები რაც ტვირთის შემოტანას სჭირდება. სხვა ქვეყნებიდან განსხვავებული წინაღობები არ შეუქმნიათ.
რამდენად კონკურენტუნარიანები ხართ ქართულ ბაზარზე?
რაც შეეხება კონკურენტუნარიანობას ზუსტად მაქვს შეფასებული ჩვენი შესაძლებლობები, რისკები და სისუსტეები. ამ საკითხის დახვეწისთვის პირველი დიდი პარტიის ჩამოტანამდე როდესაც შეთანხმების პროცეში ვიყავთ, სატესტოდ ჩამოვიტანე რამდენიმე ცალი ქვა რა ზომებიც ჩვენს სამშენებლო მაღაზიებში დევს. შედეგმა მართლაც, რომ კმაყოფილი დამტოვა. შედეგით კმაყოფილმა დავიწყე მარკეტინგულ მხარეებზე ფიქრი, თუ როგორ მიმეწოდებინა ჩემი არაბრენდირებული პროდუქტი მომხმარებლისთვის იმ თაროებიდან საიდანაც ბრენდირებული ქვები დევს. ფიქრიც კი არ უნდა იმას, რომ ქართულ ბაზარზე პროდუქტზე მეტად რეკლამა იყიდება. სამწუხაროდ, ჩემი შპს ფინანსური მდგომარეობიდან გამომდინარე რეკლამირებაზე ფიქრი მეტის მეტი იყო. ასე, რომ ავირჩიე სხვა მიდგომა მოვიპოვე ბათუმში და ქობულეთში არსებული რკინის საამქროები და მათთან მარტივი ტესტირების შედეგად დავამყარე საქმიანი ურთიერთობები. დღეს საკმოდ ბევრ კომპანიასთან მაქვს ხელშეკრულება გაფორმებული და ვაწვდი ჩემს პროდუქციას.
სამომავლო გეგმებზეც რომ მომიყვე, რას გეგმავ მომავალში?
სამომავლო გეგმებს რაც შეეხება რამდენიმე საინტერესო გეგმა მაქვს თუმცა არსებული ბიზნესის გაზრდა გაფართოებაზე მაქვს ყურადღება გადატანილი და ამ ეტაპზე სხვა გეგმებს წინ არ ვწევ.
მარიამ ლეკიაშვილი