საქართველოს საგარეო საქმეთა მინისტრი მიხეილ ჯანელიძე, ბრიუსელში ვიზიტის ფარგლებში, ა.წ. 29 ნოემბერს მონაწილეობას მიიღებს ევროპარლამენტში გამართულ კონფერენციაში – ‘სავიზო რეჟიმის ლიბერალიზაცია, როგორც ევროკავშირის საგარეო პოლიტიკის ინსტრუმენტი’.
კონფერენციაზე გახსნითი სიტყვით წარსდგებიან საქართველოს საგარეო საქმეთა მინისტრი და ევროპარლამენტის სამოქალაქო თავისუფლებათა, მართლმსაჯულებისა და საშინაო საქმეთა კომიტეტის წევრი, საქართველოს სავიზო რეჟიმის ლიბერალიზაციის საკითხზე მომხსენებელი მარია გაბრიელი.
საქართველოს საგარეო საქმეთა მინისტრი ისაუბრებს საქართველოსათვის სავიზო რეჟიმის ლიბერალიზაციის მნიშვნელობაზე რეფორმების განხორციელების პროცესში და ასევე იმ სარგებელზე, რომელსაც უვიზო მიმოსვლა ამოქმედების შემდეგ მოიტანს.
