რუსეთის პატრიარქის კირილის სიტყვებით: დღეს მსოფლიოში კოლოსალური ძალებია მიმართული იქითკენ, რომ დაგვარწმუნონ იმაში თითქოს ერთადერთი ღირებულება არჩევნის თავისუფლებაა და რომ არავის შეუძლია შეზღუდოს ეს ღირებულება, მაშინაც კი თუ ადამიანი ირჩევს სოციალურად საშიშ მოქმედებას,
გადმოსცემს “Интерфакс”.
მოსკოვის და სრულიად რუსეთის პატრიარქმა კირილმა, რომელმაც კვირას იქადაგა მოსკოვში, ყაზანის ტაძარში, დასავლეთის სახელმწიფოების მიერ ერთი სქესის ადამიანების ქორწინების აღიარებას მიიჩნევს სამყაროს აღსასრულის მომასწავებლად.
ეს მან წირვა-ლოცვის შემდეგ განაცხადა ტაძარში. კირილის სიტყვებით, საჭიროა ყველაფრის გაკეთება იმისთვის, რომ „წმინდა რუსეთის“ სივრცეში ცოდვა სახელმწიფოს კანონით არ განმტკიცდეს. სხვა შემთხვევაში, „ხალხი თვითგანადგურების გზას ადგება“ თვლის რუსეთის პატრიარქი.
კირილმა მხარი დაუჭირა 30 ივნისს პუტინის მიერ ხელმოწერილ რეზონანსულ კანონს, რომელიც კრძალავს “ჰომოსექსუალურ პროპაგანდას” არასრულწლოვანთა შორის და სადაც პროპაგანდაზე ჯარიმამ შეიძლება 1 მილიონ რუსულ რუბლს(33 000$) მიაღწიოს.
22.07.13
