„თუ ამომრჩეველთა აქტივობა იქნა დაბალი, პოსტსაარჩევნოდ განვითარდება რევოლუციური სცენარი.“ პოლიტიკურ საკითხებში ექსპერტმა გია ხუხაშვილმა ტელეკომპანია „მაესტროს“ ეთერში, გადაცემა „მაესტროს ფაქტორში“ წინასაარჩევნო პროგნოზებზე ისაუბრა.
„ამომრჩეველს არ ექნება განცდა, რომ მან აირჩია ხეისუფლება. არჩევნების შემდგომი არასტაბილურობით ისარგებლებს სხვადასხვა პოლიტიკური ძალა. თუ იმ მომენტისთვის ხელისუფლება იქნა სუსტი, უკმაყოფილო პარტიებს შორის შესაძლოა შედგეს თემატური თანამშრომლობა. ამის წინაპირობა გვაქვს. ხელისუფლება ყოველდღიურად სუსტდება.
არჩევნების შემდგომი უკმაყოფილება თუ ქუჩაში გადაიზარდა, მაშინ ყველა ერთად იდგება. შექმნილი ვითარებიდან კარგი გამოსავალი არის საარჩევნო აქტიურობის გაზრდა. „ნაციონალური მოძრაობა“ და „ქართული ოცნება“ უმცირესობაში დარჩება. დანარჩენი ხმები სხვა პარტიებზე გადანაწილდება და მივიღებთ მრავალპარტიულ სისტემას.
„ნაციონალური მოძრაობა“ ვერ გახდება ოპოზიციის გამაერთიანებელი არჩევნების შემდგომ და ვერც კოალიციის შემქმნელი არჩევნებამდე. “ნაციონალური მოძრაობის“ ამოცანა არ არის პოზიტიური. მისი ამოცანა ნეგატიურია. მათ სურთ ხელისუფლების მარცხი და არა გამარჯვება, რადგან ამის იმედი არ აქვთ,“ – ამბობს გია ხუხაშვილი.
მანანა ღოღობერიძე
