„რუსთავი 2“-ის გენერალური დირექტორის, ნიკა გვარამიას ცემაში ბრალდებულ რატი გაჩეჩილაძეს 5 ათასლარიანი გირაო შეეფარდა. აღნიშნული გადაწყვეტილება მოსამართლე გიორგი კერატიშვილმა მიიღო.
მოსამართლემ ნაწილობრივ დააკმაყოფილა ბრალდების მოთხოვნა და ბრალდებულს გირაო პატიმრობის უზრუნველყოფის გარეშე შეუფარდა. შესაბამისად, გაჩეჩილაძე სასამართლოს დარბაზიდან გაათავისუფლეს.
სხდომის დასრულების შემდეგ რატი გაჩეჩილაძე დარბაზიდან გაათავისუფლეს. ბრალდებულმა ჟურნალისტებთან კომენტარის გაკეთება არ ისურვა და სასამართლოს ტერიტორია სირბილით დატოვა.
წინასასამართლო სხდომა 20 თებერვალს 13.00 საათზე გაიმართება.
