შინაგან საქმეთა სამინისტროს ინფორმაციით, 2017 წლის 14 ივნისიდან ყაჩაღური თავდასხმის ბრალდებით ძებნილი პირი თბილისში დააკავეს. გამოძიებამ დაადგინა, რომ ის, თანამზრახველებთან ერთად, 2017 წლის 14 ივნისს თბილისში, ბერი გაბრიელ სალოსის ქუჩაზე, მსახიობ დავით როსტომაშვილს დაესხა თავს.
დაკავებულმა თბილისის დროებითი მოთავსების იზოლატორში შესახლებამდე, ბადრაგირების დროს, გაქცევა მოახერხა. ამჟამად, ის მე-8 პენიტენციურ დაწესებულებაშია შესახლებული.
ამავე ყაჩაღობის ფაქტზე, ბრალდებულის სახით, კიდევ ორი პირია დაკავებული.
14 ივნისს იუმორისტ დათო როსტომაშვილს თავს ზურგიდან ნიღბიანები დაესხნენ და ბეისბოლის ჯოხით სცემეს. შემთხვევა ყოფილი 5 დეკემბრის ქუჩაზე მოხდა.
