განათლებისა და მეცნიერების სამინისტროს ინფორმაციით, სკოლამდელ დაწესებულებებში განათლების ხარისხის ასამაღლებლად, საქართველოს მთავრობამ შესაბამისი სტანდარტები დაამტკიცა, რაც ერთი მხრივ, ბაღის აღმზრდელ პედაგოგთა კვალიფიკაციის ამაღლებას, მეორე მხრივ კი, სასკოლო ასაკის ბავშვებისთვს სკოლისთვის აუცილებელი უნარების შეძენას უზრუნველყოფს.
სახელმწიფოს მიერ, 0-დან 2 წლამდე ბავშვის ადრეული განვითარების, 2-დან 3 წლამდე და 4-დან 5 წლამდე ბავშვების საგანმანათლებლო და განვითარების სტანდარტებია განსაზღვრული.
,,რაც შეეხება აღმზრდელ-პედაგოგთა პროფესიულ სტანდარტს, ახალი მიდგომით, დადგინდა თუ რა ცოდნას, უნარ-ჩვევებს, ღირებულებებსა და დამოკიდებულებებს უნდა ფლობდნენ აღმზრდელ-პედაგოგები ადრეული და სკოლამდელი აღზრდისა და განათლების დაწესებულებებში სააღმზრდელო-პედაგოგიური საქმიანობის დაგეგმვის, წარმართვისა და შეფასებისთვის. სამართლებრივი ფორმის მიუხედავად, სტანდარტი ყველა აღმზრდელ-პედაგოგისათვის სავალდებულო იქნება.”- ნათქვამია განცხადებაში.
დოკუმენტი, ასევე, სკოლამდელი დაწესებულების გარემოსა და სააღმზრდელო და საგანმანათლებლო პროცესის ხარისხის მახასიათებლებსაც განსაზღვრავს.
ნინო ზარიძე
