პრემია “ივერია” საგურამოში

“წმინდა ილია მართლის (ჭავჭავაძის) გაზეთი” ივერიის სახელობის პროზა-პოეზიის პრემია – ივერია” გრძელდება.

წელიწადი მეოთხეს – მომდევნო ტური საგურამოში გაიმართება. პროექტის ფარგლებში მისი უწმინდესობის ლოცვა-კურთხევა ისევ სრულდება – დარგე ხე. პროექტი წელიწადში 300-ზე მეტ ნერგს რგავს მონაწილე პოეტებთან, მწერლებთან და სხვა ხელოვან ადამიანებთან ერთად. წელიწადი მეოთხის ახალი ტური, ა.წ. 25 ნოემბერს საგურამოში გაიმართება, ილიას სახლმუზეუმში და პროექტის ფარგლებში მის ეზოშიც დაირგვება მრავალი ათეული ბზის ძირი.

“ბზების დარგვა 12:00 საათზე დაიწყება, ხოლო პოეზიის საღამო 15:00 საათზე. როგორც მოგეხსენებათ პრემია ივერია ერთ-ერთი დიდი ლიტერატურული პროექტია, რომელიც საქართველოში მოგზაურობს უკვე ოთხი წელია და საკმაო წარმატებითაც – აღმოაჩინა ბევრი საინტერესო შემოქმედი და ძველ თაობასთან ერთად ახალ თაობებსაც მისცა წარმატების გზა.

პრემია ივერია თავიდანვე გამოირჩევა იმითაც, რომ პირველივე დღიდან ჩართულები არიან შშმ პირები და მსჯავრდებულები, რომელთათვისაც ამ სფეროს საშუალებით მათი რესოციალიზაცია ხდება. ასევე პროექტს ჩართული ჰყავს საქართველოში მცხოვრები ეროვნული უმცირესობები და სახალხო მთქმელები, შაირ-კაფიის სიტყვის ოსტატები.

25 ნოემბერს მონაწილეობენ საინტერესო შემოქმედები: ცირა ბულაშვილი, ნიკა გელოვანი, მარინე ქაციბაია, მანანა დანგაძე, ნინო ქიმერიძე, ხათუნა კვესელავა, ვეფხია სამსონიძე, ნოდარ ოდიშელიძე, ზაურ წოწკოლაური, თემურ გოგსაძე,” – აცხადებს პრემიისა და პროექტის დამფუძნებელი, ნუგზარ ჭიაბერაშვილი.

პროექტი ხორციელდება უწმინდესი და უნეტარესი, ილია მეორის ლოცვა-კურთხევით.