ამერიკული კვლევითი კომპანია “გრინბერგ, ქუინლან, როზნერ რისერჩის” კვლევის თანახმად, დღეს რომ საპრეზიდენტო არჩევნები ტარდებოდეს, გამოკითხულთა 43% მხარს გიორგი მარგველაშვილს დაუჭერდა.
გამოკითხვაში მეორე ადგილზეა “ერთიანი ნაციონალური მოძრაობის” საპრეზიდენტო კანდიდატი დავით ბაქრაძე, რომელსაც მხარს უჭერს 23%.
დღეს რომ საპრეზიდენტო არჩევნები ტარდებოდეს, რესპონდენტთა 6% ხმას ნინო ბურჯანაძეს მისცემდა, 3% – შალვა ნათელაშვილს, 2% – გიორგი თარგამაძეს, 1% – კობა დავითაშვილს, 18%-ს კი არ გადაუწყვეტია, ან პასუხზე უარს ამბობს.
გამოკითხულთა იმ რაოდენობიდან კი, რომლებიც არჩევნებში სავარაუდოდ, მონაწილეობას მიიღებენ, გიორგი მარგველაშვილს მხარს 48% უჭერს, დავით ბაქრაძეს – 23%, ნინო ბურჯანაძეს – 6%, შალვა ნათელაშვილს – 3%, გიორგი თარგამაძეს – 3%.
კვლევა “გრინბერგ, ქუინლან, როზნერ რისერჩმა” მთელი ქვეყნის მასშტაბით 5-11 ოქტომბერს ჩაატარა. პირისპირი ინტერვიუს გზით 1 477 ადამიანი გამოიკითხა. კვლევა ჩატარებულია “ერთიანი ნაციონალური მოძრაობის” დაკვეთით და დამუშავებულია GQR-ის ვაშინგტონის ოფისის მიერ დოქტორ ჯერემი როზნერის ხელმძღვანელობით. საველე სამუშაოები BCG-მ ჩაატარა.
24.10.13