„ეს არის ქართული მენტალიტეტი, მეგობარია, ეხლა არ გვინდა, გავუფრთხილდეთ ერთმანეთს. მაგრამ მე რატომ უნდა დავიჩაგრო? მეგობრობა ხომ ცალმხრივი არ არის. მე არ ვთხოვ დამეხმარეთქო, ვუთხარი სიმართლეში დამიდექი გვერდით, რომ არ დავიჩაგროთქო“ , – 57 უკანონო ტენდერზე „რეაქციაში“ გაკეთებული განცხადების შესახებ და პრემიერმინისტრის გამოხმაურებაზე „უცნობმა“, გია გაჩეჩილაძემ „ტვ პირველზე“, გადაცემაში „დიანა ტრაპაიძის დღის ამბები“ ისაუბრა.
„ბოდიშის მოხდა და მადლობის გადახდა არ მიჭირს. თუმცა, ის შეცდომაშია შეყვანილი და არ არის ინფორმირებული რა ხდება. საქმე ორ ნაწილად არის გაყოფილი. ერთი არის ციტროინის საქმე და ჯანდაცვის სმაინისტროს ტენდერი და მეორეა კარტელური გარიგებები,რომელიც ზოგადად ხდება ამ სფეროში და შესულია ნოდარ ხადურის უწყებაში. მე არ მომითხოვია,რომ გადადგეს, არ ვიცი რატომ იძახის,რომ სარჩელი შეიტანოს და თუ დამტკიცდება გადავდგებიო.
მინდა,რომ ნოდარ ხადურის უწყება, კონკურენციის სააგენტომ დადოს დაკსვნა, 57 ტენდერი, 25 მილიონი ლარის ტენდერი რატომ არის უკონკურენციოდ ჩატარებული ბოლო ერთი წლის განმავლობაში. ბოდიშს მოვიხდი თუ მივიღებ არგუმენტირებულ პასუხს. რასაც პრემიერი ლაპარაკობს, სრულიად სხვა თემაა. შეიძლება წასვლა უნდა და მიზეზად იგონებს, რა შუაშია მისი გადადგომა? ამ საქმეს მივყვები ბოლომდე, აქ ვერ გავიმარჯვებ უცხოეთში განვაგრძობ, ამ საქმეს უცხოელი ინვესტორიც ჰყავს“ , – განაცხადა გია გაჩეჩილაძემ.
მანანა ღოღობერიძე
