გაეროს გენერალურ მდივანის ბან კი მუნმის განცხადებით, სირიაში 2 წლის წინ დაწყებულ სამოქალაქო ომს, დღემდე 100 ათასამდე ადამიანი შეეწირა, ხოლო ქვეყნის ფარგლები დასტოვა და მეზობელ ქვეყნებს შეაფარა თავი 1 მილიონ 700 ათასმა სირიელმა.
მისივე თქმით თუ, საერთაშორისო თანამეგობრობა ვერ შეაჩერებს აქ მიმდინარე სისხლისღვრას, მაშინ, უფრო კატასტროფული შედეგებია მოსალოდნელი.
სირიის უდიდესი ოპოზიციური ჯგუფი მზად არის, მონაწილეობა მიიღოს ჟენევაში დაგეგმილ კონფერენციაში, რომელიც სირიაში ომის დასრულებისთვის პოლიტიკური გზის ძიებას დაეთმობა. ამის შესახებ განაცხადა გაეროში ბრიტანეთის ელჩმა მარკ ლაიალმა, გაეროს უშიშროების საბჭოს წევრებისა და სირიის ეროვნული კოალიციის თავმჯდომარის, აჰმედ ალ-ჯაბრას არაოფიციალური შეხვედრის შემდეგ.
ლაიალის განცხადება დაადასტურეს გაეროში საფრანგეთისა და რუსეთის ელჩებმაც.
პარალელურად აშშ-ს სახელმწიფო მდივანმა ჯონ კერრიმაც მიიღო სირიის ოპოზიციური ეროვნული კონგრესის დელეგაცია და მათთან საუბარში კიდევ ერთხელ გაუსვა ხაზი რომ, სირიაში პრობლემა მხოლოდ მშვიდობიანი მეთოდებით უნდა მოგვარდეს და არა სამხედრო ჩარევით.
29.07.13