„საქართველოში სისხლის სამართლებრივი პასუხისმგებლობის მინიმალური ზღვარი არის 14 წელი და მოზარდს 14 წლამდე კანონსაწინააღმდეგო ქცევისთვის პასუხისმგებლობას ვერ დავაკისრებთ. ეს კანონმდებლობის დონეზეც არის დასარეგულირებელი“ , – ბოლო დღეების განმავლობაში არასრულწლოვანთა მიერ მაღაზიების გაქურდვის შესახებ გაეროს ბავშვთა ფონდის არასრულწოვანთა მართლმსაჯულების პროგრამის ხელმძღვანელმა თეონა კუჭავამ „იმედზე“, გადაცემა „ქრონიკის“ ეთერში ისაუბრა.
„განათლება, სოციალური დაცვა, ბავშვთა კეთილდღების სისტემისგან უნდა მოდიოდეს საპასუხისმგებლო ქმედებები. ბავშვის უფლებათა კონვენცია მოუწოდებს სახელმწიფოებს,რომ სისხლისსამართლერივი პასუხისმგებლობის ზღვარი რაც შეიძლეა მაღალი დააწესონ. 14 წელი მეტნაკლებად ოპტიმალურ ზღვრად არის მიჩნეული. გარკვეული დანაშაულებისთვის 12 წლამდე ჩამოიწია ასაკმა და 2010 წელს ისევ 14 წელს დაუბრუნეს. პრომლება კოდექსში არ არის, ის შესაბამისობაშია ბავშვთა უფლებების კონვენციის ძირითად პრინციპებთან.
კოდექსი მოქმედებს როდესაც უკვე სახეზეა დანაშაული და არასრულწლოვანი არის 14 წლის და ზემოთ. პასუხისმგებლობის ქვემოთ მყოფ ბავშვებზე კოდექსი არ მოქმედებს, ასეთ დროს რეაგირება უნდა მომდინარეობდეს სოციალური დაცვის, განათლების სექტორის მიერ. პრევენციის მექანიზმი არის სუსტი. პრობლემა და რისკ-ფაქტორები ადრეულ ეტაპზე უნდა იყოს იდენტიფიცირებული. შესაძლოა იყოს პიროვნული ასევე გარე ფაქტორები, უნდა შემოწმდსეს ხომ არ არის ბავშვი ძალადობის, უგულებელყოფის, ექსპლუატაციის მსხვერპლი. პატიმრობას ხშირად უკუშედეგი მოაქვს და იწვევს განმეორებით დანაშაულს. უფრო ეფექტურია განრიდება, რმელიც ეხმარება ბავშვს თვითონ გააანალიზოს მიყენებული ზიანი და თავად იფიქროს მის გამოსწორებაზე. მართლმსაჯულების კოდექსი არ არის დასახვეწი, პრობლემა არის პასუხისმგებლობის ზღვარს ქვემოთ ბავშვებთან მუშაობა“ , – განაცხადა თეონა კუჭავამ.
მანანა ღოღობერიძე
