თბილისის სატელევიზიო ანძის მოდელირების კონცეფციაზე შპს “საქართველოს ტელერადიოცენტრი” მუშაობს. კონცეფციის მიხედვით, კოშკზე ტურისტების სივრცე უნდა მოეწყოს, რაც გულისხმობს მოძრავი იატაკის, კვების ობიექტებისა და პანორამული სივრცის გაკეთებას. პროექტის მოსამზადებელი ტენდერი უკვე გამოცხადდა. ინფორმაციას “სითი კვირა” ავრცელებს.
ტელე-რადიო ცენტრში ამბობენ, რომ ტურისტების სივრცე 277 მეტრიანი სატელევიზიო ანძის პირობითი 15 სართულიდან ერთ-ერთზე მოეწყობა.
ტურისტული კონცეფციების მიღება 11 აპრილს დასრულდება.
თბილისის სატელევიზიო კოშკის მშენებლობა 1952 წელს დაიწყო და 1956 წელს დასრულდა. სიმაღლე 186 მეტრი იყო და ახლანდელი კოშკის მიმდებარედ იდგა.
