დედაქალაქში 3-4 დღეში 1-ლი ელექტროავტობუსი გამოჩნდება. ამის შესახებ „ბიზნესპრესნიუსი“ კომპანია „ფრეგობასის“ დირექტორზე, მურმან პატარაიაზე დაყრდნობით წერს.
პატარაიას თქმით, ელექტროავტობუსი 61-ნომერი ავტობუსის ხაზზე იმოძრავებს და ნებისმიერ მოქალაქეს შეეძლება ნახოს, თუ რა სახის ტრანსპორტზეა საუბარი.
„ეს არის ეკოლოგიურად სუფთა, თანამედროვე ელექტროავტობუსი. მერიასთან მოლაპარაკების საფუძველზე გადავწყვიტეთ, რომ 61-ნომერ ავტობუსსზე რამდენიმე კვირის განმავლობაში იმოძრაოს და მოემსახუროს მოსახლეობას, რათა ნახონ რამდენად კომფორტულია, უსაფრთხოა და ა.შ. ეს არის 35-ადგილიანი ავტობუსი.
რაც შეეხება გადახდის სისტემას, ამაზე მუშაობა მიდის, თუმცა ჩვენი სურვილია, რომ ამ ავტობუსით მგზავრობა უფასო იყოს. აღნიშნული ავტობუსი 2 დღეში იქნება საქართველოში, 3-4 დღეში კი უკვე თბილისში იმოძრავებს,“-თქვა პატარაიამ.
