“თუ ადამიანს უნდა იყოს ნარკომანი ან მამათმავალი, იყოს ნარკომანი და მამათმავალი, არავინ ებრძვის მათ არჩევანს, მაგრამ ეკლესია ამაზე ვერ იქადაგებს,” – ამის შესახებ „პალიტრანიუსის“ გადაცემაში „360 გრადუსი“ სტუმრობისას მამა შალვა კეკელიამ განაცხადა.
დეკანოზმა მამა შალვა კეკელიამ მიმდინარე მოვლენებზე ეკლესიის პოზიცია დააფიქსირა და აღნიშნა, რომ ეკლესია ძალადობის მომხრე არ არის. „თუ ადამიანს უნდა იყოს ნარკომანი ან მამათმავალი, იყოს ნარკომანი და მამათმავალი, არავინ ებრძვის მათ არჩევანს, მაგრამ ეკლესია ამაზე ვერ იქადაგებს. ეს არის პროპაგანდა არაწმინდებისა.
ამბობენ, თითქოს ეკლესია ებრძვის თმებშეღებილ ან შარვლიან ადამიანებს. ეს არაა სიმართლე. დღეს ბევრი ადამიანი იყო შეღებილი თმებითაც და შარვლითაც. კონკრეტულ პირს თუ ჩაწერენ, რომელიც ამბობს, რომ დახეული შარვლით არ უნდა იარონ, ეს ეკლესიის პოზიცია არ არის. ეკლესია ასე არ უდგება ადამიანს. ჩვენ ეკლესიაში ვიღებთ ყველანაირ ადამიანებს.
ჩვენ ხომ არ გვინდა ძალადობა?! მაშინ ადამიანებს რა უნდა ვასწავლოთ? მათ უნდა ვასწავლოთ სახარება და ოჯახის სიწმინდე“, – განაცხადა დეკანოზმა.