საქართველოს შინაგან საქმეთა სამინისტროს საგანგებო სიტუაციების მართვის დეპარტამენტის მაშველებმა სტეფანწმინდაში ხევში ჩავარდნილი პოლონეთის მოქალაქე ამოიყვანეს.
როგორც “თბილისი თაიმსს” შინაგან საქმეთა სამინისტროდან აცნობეს, შსს-ს საგანგებო სიტუაციების მართვის დეპარტამენტის სამაშველო მომზადებისა და რეაგირების სამმართველოს მეექვსე ქვეგანყოფილების მაშველებმა ყაზბეგის მუნიციპალიტეტის დაბა სტეფანწმინდის ცენტრალურ მაგისტრალთან ხევში ჩავარდნილი პოლონეთის მოქალაქე დლუზნიაკ რობერტმარიანი ამოიყვანეს.
შსს-ს გადაუდებელი დახმარების ოპერატიული მართვის ცენტრ “112”-ში შევიდა შეტყობინება იმის შესახებ, რომ სტეფანწმინდა-გუდაურის გზაზე, ხეობაში ჩავარდა მოქალაქე, რომელსაც სასწრაფოდ ესაჭიროებოდა დახმარება. საგანგებო სიტუაციების მართვის დეპარტამენტის ყაზბეგის სამორიგეო განყოფილების სამაშველო ჯგუფი მიღებული ინფორმაციის საფუძველზე დაუყოვნებლივ გავიდა შემთხვევის ადგილზე.
სამინისტროს ცნობით, სამთო-სამაშველო ოპერაცია რთულ მეტეოროლოგიურ პირობებში მიმდინარეობდა. სამაშველო ჯგუფმა დაშავებული პირი დროულად ამოყვანა. დლუზნიაკ რობერტმარიანი სასწრაფო სამედიცინო დახმარების ავტომანქანით საავადმყოფოში გადაიყვანეს. ამ დროისთვის მისი ჯანმრთელობის მდგომარეობა დამაკმაყოფილებელია.
02.05.14
