ამერიკის კონგრესი ბიუჯეტზე ვერ შეთანხმდა

ამერიკის კონგრესმა ბიუჯეტის საკითხზე შეთანხმებას ვერ მიაღწია. მთავრობა ახალ ხარჯებს არ გასწევს.

წარმომადგენელთა პალატაში შაბათს მიღებული ბიუჯეტის კანონპროექტი სენატმა არ დაამტკიცა. ამ გადაწყვეტილებას კი მოვლენების მნიშვნელოვანი განვითარება მოჰყვა.

ასი ათასობით საჯარო მოხელე იძულებით შვებულებაში იქნება გაგზავნილი, სასიცოცხლო მნიშვნელობის არმქონე მომსახურეობები კი შეჩერდება. იძულებით შვებულებაში გაუშვებენ ასევე სამხედროში სამსახურში დასაქმებული სამოქალაქო პერსონალის დიდ ნაწილს.

ფედერალური პერსონალი კი, რომლებსაც იძულებით შვებულებაში არ გაუშვებენ, შეზღუდვების დაწყებასთან ერთად ხელფას ვერ აიღებენ. ისინი ამ დღეებისათვის ხელფასს მოგვიანებით მიიღებენ.

საგადასახადო და საპასპორტო სამსახურების ჩათვლით მრავალი სახელმწიფო ორგანიზაცია მომსახურებას შეწყვეტს. ასევე შეწყდება მრავალი სახელმწიფო პროგრამაც.

გავრცელებული ინფორმაციის თანახმად, ეს ვითარება გავლენას 873 ათას საჯარო მოხელეზე მოახდენს.

ასეთივე ფაქტს კონგრესში შეუთანხმებლობის გამო, 28 დღის მანძილზე ადგილი ჰქონდა ბილ კლინტონის დროსაც.

02.10.13