საერთაშორისო სავალუტო ფონდის ხელმძღვანელმა ქრისტინ ლაგარდმა გააფრთხილა მსოფლიო, რომ ამერიკისა და მსოფლიო ეკონომიკას სერიოზული ზიანი მიადგება, თუ პოლიტიკური კრიზისი შტატებში ბიუჯეტის მიღებასთან დაკავშირებით არ გადაწყდება.
ლაგარდის თქმით მნიშვნელოვანია პოლიტიკოსებმა მიაღწიონ ისეთ შეთანხმებას, რომ ეყოთ დრო გაზარდონ სახელმწიფო ვალის თამასა და თავიდან აიცილონ დეფოლტი.
თავის მხრივ აშშ ფინანსთა სამინისტრომ გააფრთხილა, რომ თუ კრიზისი ვაშინგტონში არ მოგვარდება, შეერთებული შტატები შესაძლოა მძიმე რეცესიაში ჩავარდეს.
თუ პრეზიდენტი ბარაკ ობამა და კონგრესის წევრები კომპრომისზე არ წავლენ, აშშ სახელმწიფო დაფინანსება მიმდინარე წლის 17 ოქტომბერს ამოიწურება.
04.10.13
აჩიკო კერესელიძე