გერმანიის ქალაქ შტუტგარდში 3 ოქტომბერს დიდი საზეიმო ცერემონია გაიმართა, რომელზეც აღნიშნეს დასავლეთ და აღმოსავლეთ გერმანიის გაერთიანების 23-ე წლისთავი.
ცერემონიაში მონაწილეობა მიიღეს ქვეყნის პრეზიდენტმა იოაკიმ გაუკმა, კანცლერმა ანგელა მერქელმა, მინისტრებმა, პოლიტიკური პარტიების ლიდერებმა და სხვა ქვეყნების ელჩებმა და წარმომადგენლებმა.
ზოგიერთი ცნობებით ზეიმის მონაწილეთა საერთო რაოდენობამ 400 ათას კაცს გადააჭარბა.
გერმანიის პრეზიდენტ გაუკის განცხადებით დადგა დრო, როცა მისმა სახელმწიფომ უფრო მეტი პასუხისმგებლობა უნდა აიღოს და უფრო მეტი წვლილი შეიტანოს საერთაშორისო პრობლემების მოგვარებაში.
მეორე მსოფლიო ომის შედეგად ორად გაყოფილი გერმანია 1990 წლის 3 ოქტომბერს გაერთიანდა, თუმცა მას წინ უძღოდა 1989 წლის 9 ნოემბერს ბერლინის კედლის დანგრევა.
06.10.13
