თამაზ მეჭიაური მცხეთის რაიონული სასამართლოს გადაწყვეტილებას, თიანეთის მე-19 საოლქო საარჩევნო კომისიის გადაწყვეტილების გაუქმების შესახებ დადებითად აფასებს.
“სასამართლომ გამოასწორა შეცდომა და ის ფაქტი, რომ არც გუშინ და არც დღეს არ დაესწრო “ქართული ოცნების” წარმომადგენლობა ნიშნავს, რომ “ქართულმა ოცნებამაც” აღიარა და გამოასწორა თავისი შეცდომა. მათ აქვთ გადაწყვეტილების გასაჩივრების უფლება”, – განაცხადა თამაზ მეჭიაურმა.
მცხეთის რაიონულმა სასამართლომ “დემოკრატიული ინიციატივების საერთაშორისო ცენტრის“ სარჩელი ნაწილობრივ დააკმაყოფილა.
სასამართლომ გააუქმა თიანეთის მე-19 საოლქო საარჩევნო კომისიის გადაწყვეტილება, რომლის მიხედვითაც, გაბათილებული ბიულეტენები ხელახლა გადაითვალა. შესაბამისად, ძალაში დარჩა პირვანდელი მდგომარეობა, რომლის მიხედვითაც, თამაზ მეჭიაური თიანეთში არჩევნებს ერთი ხმით იგებს.
