ახალი წლისთვის დამახასიათებელი არაერთი ცვლილების კვალდაკვალ, ქ. თბილისის მერიამ, 2019 წლისთვის, შემდეგი სოციალური ქვეპროგრამების გახორციელება დააანონსა:
- კომუნალური სუბსიდირება;
- სოციალურად დაუცველი მრავალშვილიანი ოჯახებისთვის 18 წლამდე ასაკის თითოეულ ბავშვზე ყოველთვიური დახმარება;
- შეზღუდული შესაძლებლობების მქონე ბავშვთა და მოზარდთა საკურორტო მომსახურება;
- 100 წელს მიღწეული მოქალაქეებისთვის ერთჯერადი დახმარება;
- სოციალურად დაუცველი მოსწავლეების მოსწავლე-ახალგაზრდობის სახლებსა და მოსწავლე-ახალგაზრდობის ეროვნულ სასახლეში სწავლების დაფინანსება;
- სოციალურად დაუცველი მოსწავლეების ხელოვნების სკოლებში სწავლების დაფინანსება;
- სოციალურად დაუცველი მოსწავლეების საცურაო აუზებსა და სპორტულ სკოლებში სწავლების დაფინანსება;
- სერვის ცენტრებში სამგზავრო ბარათების დამზადება (ინიციალიზაცია);
- სამედიცინო და სხვა სოციალური საჭიროებების დახმარების ღონისძიებები;
- ომის ვეტერანთა დახმარება;
- მარტოხელა ხანდაზმულთა დღის ცენტრის ხელშეწყობა;
- თბილისის მუნიციპალური თავშესაფრის მოვლა-პატრონობა;
- სოციალურად დაუცველი 18 წლამდე ასაკის შეზღუდული შესაძლებლობების მქონე პირების დახმარება;
- „ვოლდ ვიჟენ საქართველოს“ სოციალურად დაუცველი ბავშვების დღის ცენტრის თანადაფინანსება;
- სოციალურად დაუცველი მკვეთრად შეზღუდული შესაძლებლობების მქონე უსინათლო პირების დახმარება;
- სოციალურად დაუცველ ოჯახებში ყველა ახალშობილზე ერთჯერადი 500 ლარიანი დახმარება;
- შინმოვლის თანადაფინანსება;
- შეზღუდული შესაძლებლობების მქონე პირთა საზოგადოებაში ინტეგრაციის ხელშეწყობა.
ავტორი: მარიამ ტიელიძე