წლევანდელი ნობელის პრემია მშვიდობის დარგში მიენიჭა ქიმიური იარაღის აკრძალვის ორგანიზაციას.
ნორვეგიის ნობელის კომიტეტში გაკეთებული განცხადების თანახმად, პრემია 1 მილიონ 250 ათასი დოლარი, ორგანიზაციას 10 დეკემბერს ოსლოში გასამართ ცერემონიაზე გადაეცემა.
ორგანიზაციის ცენტრი ჰააგაში მდებარეობს და მისი გენერალური დირექტორი აჰმედ უზუმჯუ გახლავთ.
ქიმიური იარაღის აკრძალვის ორგანიზაცია აქტიურ როლს თამაშობს ასადის ხელთ არსებული ქიმიური იარაღის განადგურების პროცესში.
წელს ვარაუდობდნენ, რომ მშვიდობის დარგში ნობელის პრემიას გოგონების სკოლაში სიარულისათვის მებრძოლი და თალიბანის მიერ თავის არეში დაჭრილი პაკისტანელი აქტივისტი გოგონა მალალა იუსუფზაი მიიღებდა.
14.10.13
