გაეროს განცხადებით ქიმიური იარაღების განადგურების ორგანიზაციის 33 კაციანი დელეგაცია, ჯერ თვითმფრინავით ბეირუთში ჩავიდა, იქიდან კი ავტომობილებით სირიის დედაქალაქ დამასკოში გადავიდნენ.
დელეგაცია სასტუმროში დაბინავების შემდეგ, უპირველეს ყოვლისა სამეთაურო ცენტრს შექმნიან, ხოლო შემდეგ ასადის მხრიდან მათთვის წარდგენილი ქიმიური იარაღების სიის სინამდვილეს დაადგენენ.
მომავალ კვირას ამ დელეგაციას კიდევ ერთი ჯგუფი დაემატება და პირველ ნოემბრამდე ისინი ქიმიური იარაღების ობიექტებს და მარაგებს დააზუსტებენ.
შედგენილ ანგარიშს უშიშროების საბჭოს წარუდგენენ და დაიწყება სირიის ქიმიური იარაღების მასობრივი განადგურების პროცესი, რომელიც მომავალი წლის ივლისამდე გაგრძელდება.
03.10.13
