ამერიკის პრეზიდენტის დონალდ ტრამპის განცხადებით, რუსეთი ვენესუელადან უნდა წავიდეს და ვაშინგტონი ამისთვის ყველა ვარიანტს განიხილავს. ამის შესახებ „როიტერი“ იუწყება.
„რუსეთი უნდა წავიდეს“ , – განუცხადა დონალდ ტრამპმა ჟურნალისტებს თეთრი სახლის ოვალურ კაბინეტში, სადაც ვენესუელას ოპოზიციის ლიდერის ხუან გუაიდოს მეუღლეს შეხვდა.
კითხვაზე, როგორ აიძულებენ რუსებს, რომ წავიდნენ, ტრამპმა განაცხადა: „ვნახოთ. ყველა ვარიანტი ღიაა“.
უცხოური მედიის ინფორმაციით, შაბათს, კარაკასის მახლობლად რუსეთის ორი სამხედრო თვითმფრინავი ჩაფრინდა, რომლის ბორტზეც ასამდე სამხედრო იმყოფებოდა.
