სურსათის ეროვნული სააგენტოს წარმომადგენლები ხილის ექსპორტიორებს შეხვდნენ.
როგორც “თბილისი თაიმსს” სააგენტოდან აცნობეს , ხილის მწარმოებლებთან და გადამზიდავი კომპანიების იმ წარმომადგენლებთან შეხვედრაზე, რომლებიც მზად არიან, ქართული ხილი რუსულ ბაზარზე გაიტანონ, იმ მოთხოვნებზე ისაურებს, რომლებსაც საექსპორტო პროდუქცია უნდა აკმაყოფილებდეს.
“სურსათის ეროვნულმა სააგენტომ გამოთქვა მზადყოფნა, 24-საათიან რეჟიმში გაუწიოს კონსულტაცია ქართული ხილის მწარმოებლებს და დაეხმაროს მათ საჭირო დოკუმენტაციის მომზადებაში”, – განმარტავენ სააგენტოში.
მათივე ინფორმაციით, სურსათის ეროვნულ სააგენტოში გამართულ შეხვედრას ესწრებოდნენ ასევე ბოსტნეულის მწარმოებლებიც.
“უახლოეს მომავალში საქართველოში ჩამოვა რუსი ექსპერტების მორიგი ჯგუფი, რომელიც შეისწავლის ქართული ხილის სხვა სახეობებისა და ბოსტნეულის რუსეთის ბაზარზე დაშვების შესაძლებლობებს”, – აღნიშნავენ სურსათის ეროვნულ სააგენტოში.
16.10.13
