ვატიკანი გაერო-ს აკრიტიკებს. საქმე ანგარიშს ეხება, რომელშიც გაერთიანებული ერების ორგანიზაციამ რომის კათოლიკური ეკლესია იმ პოლიტიკის გამო გააკრიტიკა, რომელიც სასულიერო პირების მხრიდან ბავშვების მიმართ განხორციელებულ სქესობრივი ხასიათის ძალადობას ეხება.
გაერო-ში ვატიკანის წარგზავნილმა ადამიანის უფლებათა დაცვის კომიტეტს ბრალი დასდო იმაში, რომ ის ფაქტებს ამახინჯებს და არ ითვალისწინებს, რომ ეკლესია ბავშვებს იცავს. მთავარეპისკოპოსის ვარაუდით, გაერო-მ გამოაქვეყნა „იდეოლოგიური“ ანგარიში, რომელიც სექსუალური უმცირესობების ორგანიზაციების გავლენით შეიქმნა.
თავის ანგარიშში, რომელიც ოთხშაბათს გამოქვეყნდა, გაერო გმობს რომის კათოლიკური ეკლესიის პოლიტიკას. გაერო-ს ბავშვთა უფლებების კომიტეტი მოითხოვს ვატიკანისაგან, რომ ეკლესიის მსახურებას „დაუყოვნებლივ ჩამოაშოროს” პედოფილიაში მხილებული ან ეჭვმიტანილი სასულიერო პირები და ისინი ხელისუფლებას გადასცეს.
გაერო-ს კომიტეტი გამოთქვამს „სერიოზულ შეშფოთებას“, რომ ვატიკანს არ მიუმართავს აუცილებელი ზომებისათვის ბავშვების დასაცავად.
06.02.14
