თავისუფალი თემატიკა, აქტუალური საკითხები და, უბრალოდ, გართობა – ეს არის მთავარი მოცემულობები, რასაც „პუნანი“ მომხმარებელს სთავაზობს. ის სამაგიდო თამაშია, რომელიც გართობასა და დროის მხიარულად გატარებაზეა ორიენტირებული.
„თბილისი თაიმსს“ ნიკა სურმანიძე, „პუნანი“-ს დამფუძნებელი ესაუბრა.
დეტალურად, რას გულისხმობს თამაში?
„პუნანის’’ იდეა არის მოთამაშეებისთვის ქართული გასართობი სამაგიდო თამაშის შეთავაზება, რასაცხუმრობაზე ლიმიტი საერთოდ არ აქვს. ის მოიცავს ყველა მტკივნეულ თუ თავისუფალ თემატიკას, რაც აქტუალური შეიძლება, იყოს დღევანდელ დღეს.
ვისზეა ის გათვლილი?
თამაში გათვლილია 18 წელს მიღწეულ, ქართულ ენაზე მოსაუბრე ყველა ზომის, წონისა და სქესისინდივიდზე.
ბევრია მისით დაინტერესებული?
თამაშით დაინტერესება დიდია, ვისაც ერთხელ უკვე აქვს ნათამაშები. აშკარა მიზეზების გამო, თამაშის ყველა ასპექტს ვერ გავარეკლამებთ, მაგრამ ვცდილობთ, ბოლომდე დავანახოთ, რასაც მოიცავს ის.
მისი განახლება და იდეის შეცვლა თუ ხდებახოლმე?
ამჟამად, მიმდინარეობს აქტიური განახლება. თამაშში არის 500 ბარათი, 100 კითხვის და 400 პასუხის. ვამატებთ 2 ახალ გამოშვებას, რომლებიც მოიცავენ კონკრეტულ თემატიკებს და ორიგინალ თამაშზე დანამატის სახით შევთავაზებთ მოთამაშეებს, სადაც იქნება 200 ბარათი თითო თემატიკაზე, ხოლო მთლიანი თამაშის 500 ბარათიან მეორე ვერსიასაც უახლოეს მომავალში იხილავთ, რაც განსხვავებული იქნება პირველი ვერსიისგან და ბარათების არევაც შესაძლებელი იქნება ისევე,როგორც დანამატის დროს.
მასალა მოამზადა : მარიამ ტიელიძემ
