სამართალდამცველებმა ცეცხლსასროლი იარაღის უკანონო შეძენა-შენახვის ბრალდებით თბილისში ერთი პირი დააკავეს.
შსს-ს ინფორმაციით, თბილისის მთავარი სამმართველოს უბნის ინსპექტორების სამმართველოს მე-3 განყოფილების თანამშრომლებმა, ჩატარებული ოპერატიული ღონისძიების შედეგად, 1995 წელს დაბადებული როველ კ. დააკავეს.
სამართალდამცველებმა დაკავებულის საცხოვრებელი ბინის ჩხრეკისას “მაკაროვის” სისტემის ცეცხლსასროლი იარაღი, შაშხანა და შაშხანის 15 საბრძოლო ვაზნა, კალაშნიკოვის სისტემის იარაღის 6 საბრძოლო ვაზნა, გეკოს ტიპის იარაღის 7 ვაზნა და სხვადასხვა ტიპის იარაღის დაშლილი ნაწილები ამოიღეს.
დაკავებული აღიარებს ჩადენილ დანაშაულს. გამოძიება ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის ფაქტზე მიმდინარეობს (სსსკ-ის 236-ე მუხლის 1-ლი ნაწილით).
17.10.13
Discussion about this post