18-19 მაისს, გოლფში საქართველოს პირველი ეროვნული ჩემპიონატი გაიმართება. ჩემპიონატი 18 მაისს, 11:00 საათზე გაიხსნება. ჩემპიონატს, რომელსაც ‘Tbilisi Hills Golf Club’ (სოფელ თელეთისა და შავნაბადის მთის მიმდებარე ტერიტორია) უმასპინძლებს, 30-ზე მეტი მოყვარული მამაკაცი სპორტსმენი მიიღებს მონაწილეობას, მათ შორის ფედერაციის ვიცე-პრეზიდენტები: მიხეილ ძაძამია და ანდრო შილაკაძე.
უწყების ინფორმაციით, დასკვნით დღეს გამოვლინდება საუკეთესო შედეგის მქონე ოთხეული, რომელიც აგვისტოში ვილნიუსში გასამართ ევროპის ჩემპიონატზე იასპარეზებს. ევროპირველობა ევროპის გოლფის ასოციაციის ეგიდით გაიმართება.
საქართველოს პირველი ეროვნული ჩემპიონატის მხარდამჭერები არიან: განათლების, მეცნიერების, კულტურისა და სპორტის სამინისტრო, ეროვნული ოლიმპიური კომიტეტი და კომპანია „თბილისი ჰილს“.
Discussion about this post