საქართველომ დიდი გზა გაიარა და საკუთარი ვალუტისადმი რწმენა უნდა გაიძლიეროს, – ამის შესახებ სავალუტო ფონდის (სსფ) მმართველმა დირექტორმა, კრისტინ ლაგარდმა სტუდენტებთან შეხვედრაზე განაცხადა.
ლაგარდის თქმით, საქართველოს უნდა ჰქონდეს გაცვლითი კურსის მოქნილობა, რადგან ეს არის დამცავი ბუფერი, რაც ქვეყანას აძლევს კონკურენტულ უპირატესობას.
„საქართველოს ეკონომიკა სუსტია გარე რისკების მიმართ, განსაკუთრებით მაშინ, როდესაც ვხედავთ ზეწოლას ვაჭრობის და ფინანსური რყევების ფონზე. პოლიტიკის განმსაზღვრელებმა შეიძლება დაიცვან ქვეყანა ამ რისკებისგან ძალიან სრულყოფილად. უნდა ჰქონდეს ქყეყანას გაცვლითი კურსის მოქნილობა, რადგან ეს არის დამცავი ბუფერი, რაც საქართველოს აძლევს კონკურენტულ უპირატესობას, ეს არის ეკონომიკა, რომელსაც გარე მოთხოვნა განაპირობებს და ეს სისუსტე საქართველოში შესამცირებელია.
რაც შეეხება საგარეო რეზერვების გაზრდას და განვითარებას, უნდა განხორციელდეს გონივრული, ფინანსური ფულადსაკრედიტო პოლიტიკა. მე რამდენადაც ვიცი, ახლა ხდება მიმოხილვა ამისა და არის ერთი გამოთქმა: იჩქარე ნელა! – ეს მგონი, კაპიტალური ბაზრის განვითარებას საქართველოში ნამდვილად ეხება, განსაკუთრებით მაშინ, როდესაც ასე კოორდინირებულად ხდება რეგიონში ამ მიმართულების განვითარება,“ – განაცხადა კრისტინ ლაგარდიმ.
ასევე, სავალუტო ფონდის დირექტორის თქმით, შემდგომი ნაბიჯები გადასადგმელია ადგილობრივი კაპიტალის ბაზრის განვითარების მიმართულებით, გრძელვადიანი ადგილობრივი ობლიგაციების გამოშვებით და ყოველივე ეს კოორდინირებულად უნდა მოხდეს მეზობლებთან (კავკასიის,ცენტრალური აზიის რეგიონში).
ჩვენ მიგვაჩნია, რომ შეიძლება კიდევ უფრო შემცირდეს უცხოურ ვალუტაში ნომინირებული სესხები, რადგან დოლარიზაცია ბევრ კომპანიას და შიდა მეურნეობას დაუცველ პოზოციაში აყენებს და მათ ფინანსურ მდგრადობას უშლის ხელს. საქართველომ დიდი გზა გაიარა და უნდა გაიძლიეროს რწმენა საკუთარი ვალუტისადმი. ამ მიმართულებით წინსვა რეალიზებულია ბანკების საბალანსო უწყისების გაძლიერებით, ფინანსური განათლების განვითარებით და შემდგომი ნაბიჯები გადასადგმელია ადგილობრივი კაპიტალის ბაზრის განვითარების მიმართულებით, გრძელვადიანი ადგილობრივი ობლიგაციების გამოშვებით და ეს ყველაფერი ძალიან სწორად და კოორდინირებულად უნდა მოხდეს მეზობლებთან, განსაკუთრებით ცენტრალური კავკასიის და ცენტრალური აზიის რეგიონში,“ – განაცხადა კრისტინ ლაგარდიმ.
Discussion about this post