2013 წლის 9 თვეში სასამართლოებმა სრულად 43 პირი გაამართლეს. უზენაესი სასამართლო 2013 წლის 9 თვის სტატისტიკურ მონაცემებს აქვეყნებს , რომლის თანახმადაც, გაზრდილია სისხლის სამართლის საქმეებზე სასამართლოს მიერ გამოტანილ საბოლოო გადაწყვეტილებებში არასაპატიმრო სასჯელების რაოდენობა.
უზენაესი სასამართლოს ინფორმაციით, 2013 წლის 9 თვეში მსჯავრდებული 10 102 პირიდან თავისუფლების აღკვეთა მიესაჯა 2623 პირს, ანუ სულ მსჯვარდებულთა 26 %-ს .
სასჯელის სახედ პირობითი მსჯავრი დაედო 6006 პირს( 59,5%), ჯარიმა -1141 პირს (11,3%), საზოგადოებისთვის სასარგებლო შრომა -184 პირს (1,8%). რაც შეეხება გამამართლებელ განაჩენებს, 2013 წლის 9 თვეში გამამართლებელი განაჩენი გამოტანილია 43 პირის მიმართ, ნაწილობრივ გამამართლებელი – 28 პირის მიმართ, ხოლო საქმე შეწყდა 473 პირის მიმართ. საერთო ჯამში, ეს რაოდენობა სასამართლოს მიერ არსებითად განხილული საქმეების 38,1 % შეადგენს.
17.10.13