საქართველოს პრეზიდენტი სალომე ზურაბიშვილი ბელარუსში ვიზიტს წყვეტს და საქართველოში ბრუნდება. ამის შესახებ ინფორმაცია პრეზიდენტის ადმინისტრაციაში დაადასტურეს.
პრეზიდენტი ბელარუსში ვიზიტს საქართველოში განვითარებული მოვლენების გამო წყვეტს. სალომე ზურაბიშვილი ბელარუსში 20 ივნისს გაემგზავრა. ასევე საქართველოს პარლამენტის თავმჯდომარე ირაკლი კობახიძემ აზერბაიჯანში ვიზიტი შეწყვიტა და თბილისში ბრუნდება.
რუსთაველის გამზირზე აქცია მას შემდეგ დაიგეგმა, რაც გუშინ დილით პარლამენტის თავმჯდომარისთვის განკუთვნილი ადგილიდან მართლმადიდებლური საპარლამენტთაშორისო ასამბლეის წევრებს სიტყვით რუსეთის დუმის კომუნისტური პარტიის წევრმა სერგეი გავრილოვმა მიმართა და “ქართული ოცნების” წევრ ზაქარია ქუცნაშვილს მოწვევისთვის მადლობა გადაუხადა.
საპარლამენტო ოპოზიცია ირაკლი კობახიძის პასუხისმგებლობის საკითხის დაყენება და მის გადადგომას მოითხოვა. პარლამენტში მომხდართან დაკავშირებით განცხადება გაავრცელა ბიძინა ივანიშვილმა და პრემიერმა მამუკა ბახტაძემ, ასევე განცხადება გააკეთეს ირაკლი ღარიბაშვილმა და კახა კალაძემ.