ჯულია რობერტსისა და თაკო ნაცვლიშვილის მონაწილეობით რეკლამა გამოვიდა

იტალიური ბრენდის, კალცედონიას რეკლამა, რომელშიც ქართველი მოდელი თაკო ნაცვლიშვილი და ოსკაროსანი მსახიობი ჯულია რობერტსი ერთად გადაიღეს, ბრენდის რუსული მაღაზიის ინსტაგრამის [არაოფიციალურ] გვერდზე გამოქვეყნდა.

“Bonjour Julia!” — ამ ფრაზით იწყება ქართველი მოდელისა და ოსკაროსანი მსახიობის დიალოგი სარეკლამო რგოლში.

ვიდეო-რგოლი თავდაპირველად ივნისის ბოლოს საფრანგეთის მასშტაბით გამოვიდა. მისი სრული ვერსია ბრენდის ოფიციალურ სოციალურ ქსელებზე ჯერ არ გამოქვეყნებულა. რეკლამაში მთავარი გმირები სწორედ რობერტსი და ნაცვლიშვილი არიან.

რეკლამის ფონად როი ორბისონის 1989 წლის ჰიტი You Got It ისმის. სწორედ ის ასრულებდა Pretty Women-ს ამავე სახელწოდების კომედიურ მელოდრამაში. უამრავმა ადამიანმა ფილმსა და რეკლამას შორის მსგავსება დაინახა.

თაკო ნაცვლიშვილი რამდენიმე უცხოურ ბრენდთან თანამშრომლობს. რაც შეეხება მეგავარსკვლავ ჯულია რობერტსს, ის კალცედონიას რეკლამაში პირველად 2014 წელს გადაიღეს.

წყარო: on.ge