დედაქალაქში ამ თვის განმავლობაში ჩატარებული საერთაშორისო ღონისძიებების, მათ შორის ფესტივალებისა თუ სხვა ხალხმრავალი ფორუმების რაოდენობა გვაძლევს იმის მტკიცების საშუალებას, რომ “აბრეშუმის გზის ფორუმი” თბილისში უნდა ტარდებოდეს და არსად სხვაგან.
საქართველოს მთავრობის ორგანიზებით 22-23 ოქტომბერს თბილისი რიგით მესამე ,,აბრეშუმის გზის ფორუმს” უმასპინძლებს.
ფორუმი“ აზიასა და ევროპას შორის პოლიტიკური, ეკონომიკური და კულტურული კავშირების გაძლიერება მნიშვნელოვანი შესაძლებლობაა და მიზნად ისახავს სადისკუსიო პლატფორმის შექმნას, სადაც აბრეშუმის გზის ინიციატივის ქვეყნები, საერთაშორისო ორგანიზაციებისა და კერძო სექტორის წარმომადგენლები განიხილავენ ერთმანეთთან თანამშრომლობის გაღრმავების პერსპექტივებს.
წელს ,,აბრეშუმის გზის ფორუმი” 60-მდე სხვადასხვა ქვეყნის 2000-მდე მონაწილეს უმასპინძლებს, რომელთაც საშუალება ექნებათ განიხილონ ისეთი საკითხები, როგორიცაა გლობალური ეკონომიკის გამოწვევები, ხელოვნური ინტელექტის მზარდი როლი, ტრანსპორტი, ვაჭრობა, ენერგეტიკა, საინვესტიციო შესაძლებლობები თუ სხვა.
