ქობულეთის შემოვლითი გზა გაიხსნა

ვიცე-პრემიერმა გიორგი კვირკაშვილმა, რეგიონული განვითარებისა და ინფრასტრუქტურის მინისტრმა დავით ნარმანიამ, საავტომობილო გზების დეპარტამენტის თავმჯდომარემ დავით შავლიაშვილმა და აჭარის ავტონომიური რესპუბლიკის მთავრობის თავმჯდომარემ არჩილ ხაბაძემ ქობულეთის შემოვლითი გზა გახსნეს.

ქობულეთის შემოვლითი გზა ცენტრალური ავტომაგისტრალის ნაწილია, რომელიც თბილისი-ბათუმის მონაკვეთზე მოძრაობას კომფორტულს ხდის.

როგორც დავით ნარმანიამ აღნიშნა, სამუშაოები ინტენსიურად მიმდინარეობდა და პროექტი გათვალისწინებულ ვადებში დასრულდა. ნარმანიას თქმით, წლების განმავლობაში, ქობულეთის მონაკვეთზე ხმაური დისკომფორტს უქმნიდა დამსვენებლებს და აღნიშნული გზა, როგორც საკურორტო, ასევე ტრანზიტული თვალსაზრისით მნიშვნელოვანია. ქობულეთის შემოვლითი გზის სიგრძე 12 კმ-ია.
როგორც არჩილ ხაბაძემ განმარტა, ყოველდღიურად სარფის საბაჟო გამშვებ პუნქტზე 1000-მდე სატვირთო მანქანა, ავტობუსი და მსუბუქი ავტომობილი გადაადგილდება, აღნიშნული გზა კი მოძრაობას განტვირთავს.

ვიცე-პრემიერი გიორგი კვირიკაშვილის განცხადებით, აღნიშნული გზა მნიშვნელოვნად გააიოლებს სატრანზიტო მოძრაობას თურქეთ-საქართველოს მიმართულებით.

“პროექტი აზიის განვითარების ბანკის ფინანსური მხარდაჭერით განხორციელდა. პროექტის ფარგლებში დაიგო ასფალ-ბეტონის საფარი, მოეწყო 13 წყალგამტარი მილი, აშენდა 14 სახიდე გადასავლელი და 3 მიწისქვეშა გადასასვლელი”, – განაცხადა დავით ნარმანიამ.

24.10.13