2014 წელს თურქეთი ეკონომიკის 4%-იან ზრდას გეგმავს

გუშინ თურქეთის დიდ ეროვნულ მეჯლისში 2014 წლის საბიუჯეტო მარათონი დაიწყო, რომელიც ერთ თვეს გაგრძელდება.

ამ ეგიდით ფინანსთა მინისტრმა მეჰმეტ შიმშექმა მეჯლისს წარუდგინა ცენტრალური ხელისუფლების 2014 წლის ბიუჯეტი და 2012 წლის საბიუჯეტო ანგარიში, რომელშიც აღნიშნა რომ, გლობალური ეკონომიკისა და სხვა სირთულეების მიუხედავად თურქეთის ეკონომიკა 2012 წელში 2.25%-ით გაიზარდა.

“რაც შეეხება მომავალ წლებს, ჩვენი ვარაუდებით 2014 წელში ჩვენი ეკონომიკა 4%-ით, ხოლო 2015-2016 წლებში კი 5%-ით გაიზრდება“, განაცხადა შიმშექმა და დაამატა რომ, უმუშევრობის ყველაზე დაბალი დონით ევროპელ ახალგაზრდებს შორის თურქეთმა მე-11 ადგილი დაიკავა.

ფინანსთა მინისტრმა განაცხადა რომ, მომავალი წლის ბიუჯეტში ყველაზე დიდი, 15%-იანი მატება განათლების სფეროზე აქვთ დაგეგმილი.

25.10.13