მოგიყვებით იმ ცენტრი შესახებ, სადაც განსაკუთრებით ჭკვიანი და გამორჩეული ბავშვები სწავლობენ. იმ სკოლის შესახებ, რომლის მოსწავლეები, მსოფლიოს უდიდეს კომპანიებში მუშობენ. მათ შორის ისეთებში, როგორიცაა: „Google“, „Microsoft“, „Facebook“, „Dropbox“ და სხვა. თუ თქვენ გავქთ ნიჭი და უნარი შექმნათ პროგრამები და ისწავლოთ კომპიუტერული მეცნირებები ცენტრი „მზიური“ სწორედ ის ადგილია, სადაც საკუთრი შესაძლებლობებისა და ნიჭის გამოვლენასა და რეალიზებას სრულყოფილად შეძლებთ. ამ ცენტრის დახმარებით ერთ დღესაც გაიღვიძებთ და მიხვდებით, რომ აგიხდათ ყველაზე დიდი ოცნება-თქვენ მუშაობთ მსოფლიოში ყველასთვის სასურველ ადგილას და ყველაზე დიდ კომპანიაში. ცენტრის წარმატებასა და გამორჩეული მოსწავლეების შესახებ „თბილისი თაიმსს“ „მზიურის“ ცენტრის დირექტორი ამირან მეტრეველი ესაუბრა.
თქვენი ცენტრის შესახებ რომ მოგვიყვეთ, რამდენი ხანია რაც „მზიური“ არსებობს?
– ცენტრი, 1987 წლიდან არსებობს და ამ წლების განმავლობაში ყოველთვის კომპიუტერული სასწავლო ცენტრი იყო. 2007 წლიდან მან კერძო სკოლის სახელი მიიღო და მისი დღევანდელი სახელწოდება „სიანფრომაციო ტექნოლოგიების ცენტრი „მზიურია“. საინფორმაციო ტექნოლოგიების ცენტრი მზიურის მოსწავლეები ცენტრის ხანგრძლივი ისტორიის მანძილზე მუდმივად არიან საქართველოს მოსწავლეთა ინფორმატიკის ეროვნული ოლიმპიადის გამარჯვებულთა შორის და მუდმივად ხვდებიან ქვეყნის ნაკრებში.
რა ასაკის ბავშვებს შეუძლია თქვენთან სწავლა?
– ჩვენ გვაქვს სპეციალური პროგრამები. მიღება ხდება მეხუთე კლასიდან. თუმცა, გამონაკლისის სახით გვყავს რამდენიმე მეოთხე კლასელიც. ვცდილობთ, რომ ბავშვებმა სკოლა და ჩვენთან სწავლა ერთმანეთს შეუთავსონ. არის კურსები, სადაც კვირაში სამი მეცადინეობა ტარდება, ზოგიერთ კურსზე ბავშვები კვირაში ორი დღე ესწრებიან მეცადინეობებს. ჩვენი ცენტრი ბავშვებზეა მორგებული და მათ სხვადასხვა პროგრამებს სთავაზობს ინტერესებისა და შესაძლებლობების მიხედვით. გვაქვს კურსები სხვადასხვა პროფილის და ასაკის ბავშვებისთვის.
რამდენი წელია კურსის ხანგრძლივობა?
– ძირითდად გვაქვს ერთ- და ორწლიანი კურსები. მაგრამ კურსები ისეა დალაგებული, რომ ბავშვებს მიეცეთ შესაძლებლობა თავი მოსინჯონ განსხვავებულ სფეროში და აირჩიონ სხვადასხვა კურსი. არიან ისეთი ბავშვები მეხუთე კლასში რომ მოვიდნენ და სკოლის დამთვრებამდე სწავლობენ ჩვენთან. კურსები კომპიუტერულ მეცნიერებებსა და ძირითდად პროგრამირებას ეხება.
როგორია ფასები, ხელმისაწვდომი არის თუ არა ყველასთვის?
– მთელი სასწავლო წლის ფასი არის 1000 ლარი. თუმცა, გვაქვს ფინანსური დახმარების პროგრამა იმ შემთხვევაში, თუ ჩვენ ბავშვი მოგვწონს და მშობლებს გადახდის საშუალება არ აქვთ. ხშირად ვუკეთებთ გარკვეულ ფასდაკლებას და ასევე არიან ბავშვები, რომლებიც სრულიად უფასოდ სწავლობენ ჩვენს სკოლაში.
თქვენი სკოლის წარმატების შესახებ რომ მოგვიყვეთ?
– ჩვენი მთავარი ფოკუსი არის ინფორმატიკის ოლიმპიადა მოსწავლეთა შორის. რომელიც იმართება ჯერ ეროვნულ დონეზე, შემდეგ კი საერთაშორისო დონეზე. არჩევენ ოთხ წარმატებულ ბავშვს, რომლებიც მონაწილეობას იღებენ საერთაშორისო ოლიმპიადაში. როგორც წესი, ოთხ ბავშვს შორის არიან ჩვენი მოსწავლეები და საერთაშორისო ოლიმპიადებიდანაც ჩამოდიან გამარჯვებულები. მათ მონაპოვარში უამრავი მედალი და სხვადასხვა ხარისხის დიპლომია. მათ შორის ყველაზე მაღალი ჯილდოებია ინფორმატიკის მსოფლიო ოლიმპიადების 1ოქროს, 3 ვერცხლისა და 22 ბრინჯაოს მედალი. გვქონდა გამონაკლისი შემთხვევა,სრულიად უნიკალური მთელი მსოფლიოს მასშტაბით. როდესაც მეექვსე კლასელი ბავშვი მოხვდა ნაკრებში და მსოფლიო ოლიმპიადიდან ბრინჯაოს მედალით დაბრუნდა საქართველოში.
რამდენი ბავშვი სწავლობს თქვენს სკოლაში?
– ბოლო დროს საკმაოდ ბევრი ბავშვი მოდის ჩენთან. 300 ბავშვსაც კი გადააჭარბა მათმა რაოდენობამ. ბავშვების რაოდენობა იზრდება, თუმცა გამორჩეული ბავშვების რაოდენობა -არა, სამწუხაროდ.
იქნებ გაიხსენოთ წარმატებული ბავშვები?
– ჩვენი ნამოწაფრები წარმატებით აგრძელებენ სწავლას ჩვენი ქვეყნისა თუ საზღვარგარეთის უნივერსიტეტებში, მათ შორის ისეთ უმაღლესი რეიტინგისუნივერსიტეტებში, როგორიცაა MIT (Massachussetts Institute of Technologies), West Point (American Military Academy), ფლორიდის ტექნოლოგიური უნივერსიტეტიდა სხვა. განსაკუთრებით აღვნიშნავთ, რომ ამ უნივერსიტეტებში დაფინანასების მოპოვებაში მთავარი განმსაზღვრელი სწორედ ის მედლები და დიპლომებია, რომლებიც მოწავლეებს საერთაშორისო ოლიმპიადებზე აქვთ მოპოვებული. საკმაოდ წარმატებულები არიან: ზურაბ კურცია, ნიკოლოზ გაბისონია. თემური არობელიძე, რომელიც “google-ში“ მუშაობს, ლევან ბარამაშვილი, რომელიც ასევე “google-ში“ მუშაობს შვეიცარრის ოფისში; მარიამ კობიაშვილი, რომელმაც ემაითი დაამთვრა და „facebook-ში“ მუშაობს ნიუ-იორკში; ზვიად მეტრეველი, რომელიც ახლა „Dropbox-ში“ მუშობს ნიუ-იორკში, მას ნამუშევარი აქვს აგრეთვე „Microsoft-ში“; „google-ში“. კიდევ ბევრი გამორჩეული და ნიჭიერი მოსწავლე გვყოლია, რომლებიც მთელი მსოფლიოს მასშტაბით სხვადასხვა კომპანიაში მუშობენ.
რა არის ის, რაც თქვენ ცენტს გამოარჩევს?
– პირველ რიგში მისი ხანგრძლივი ისტორია. ბევრი დრო გვქონდა და დიდი გამოცდილება დაგვიგროვდა ამ მხრივ. რაც შეეხება მასწავლებლებს, რომელთაც კი ამ საქმის კეთება შეუძლია, ყველა გვყავს ჩართული ამ საქმეში.ასევე ჩვენი ყოფილი მოსწავლეები გვეხმარებინ და ასწავლიან ჩვენთან. უზიარებენ იმ გამოცდილებას და ცოდნას, რომელიც მათ დაუგროვდათ კომპანიებთნ მუშობის მანძილზე.
მარიამ ლეკიაშვილი
