მსოფლიოში არცთუ ისე ცოტა ადამიანი ხატავს. ასეა პატარა საქართველოშიც. ხატვას საკმაოდ ბევრს უყვარს და ბევრსაც ეხერხება. თუმცა, სირთულეებთან არის დაკავშირებული, ქმნიდე ნამუშევრებს, რომლებიც ათასობით სხვა ნახატებისგან იქნება გამორჩეული.

მარიამ დარჩიაშვილი მხატვარია. ის საკუთარ ნამუშევრებს ნახშირით ქმნის. ესს პროცესი, ცხადია, სირთულეებსა და დეტალების მიმართ ყურადღებასთან არის დაკავშირებული. მარიამის ნახატები ძალიან რეალისტურია. თითქოს, ფოტოსურათს ვუყურებთ.

“თბილისი თაიმსი” მარიამ დარჩიაშვილის პერსონას გთავაზობთ.

ბოლოდროინდელი ნამუშევრების აბსოლუტური უმრავლესობა ნახშირით მაქვს შესრულებული. ამ ტექნიკით ხატვა დაკავშირებულია გარკვეულ სირთულეებთან, თუმცა აქვს, აგრეთვე, დადებითი მხარეებიც. განსაკუთრებით რთული იყო პირველი ნამუშევრების შესრულება, როდესაც ჯერ კიდევ არ ვიცნობდი ამ მასალის სპეციფიკას და ის საკმაოდ ძნელად ,,დასამორჩილებელი’’ აღმოჩნდა.

შესაძლოა, ესეცაა ერთერთი მთავარი მიზეზი იმის, რომ ნახშირი, გრაფიტთან შედარებით (ე.წ უბრალო ფანქარი), ნაკლები პოპულარობით სარგებლობს დამწყებ მხატვრებში”.

ძირითადად, რას ხატავ?

ყველაზე საინტერესო ჩემთვის,, ჯერჯერობით, მაინც პორტრეტების ხატვაა –  ადამიანების, მათი ემოციების გადმოცემა, პატარა დეტალების შენიშვნა და მათი აღბეჭდვა.

რით განსხვავდება შენი ნახატები სხვათა ნამუშევრებისგან?

ძირითადად, რეალისტურ, ჰიპერრეალისტურ სტილში ვმუშაობ, რაც ნამუშევრების ფოტოგრაფიულ დონეზე შექმნას გულისხმობს. თუმცა, მაინც ვცდილობ, ამ ეფექტების მიღმა საკუთარი ხელწერა გამოვიმუშაო, რითაც სხვებისგან გამოვირჩევი.

როგორ აღწერ შენი ნახატების შექმნის პროცესს?

პირველ ეტაპზე, ვეძებ საინტერესო ფოტოებს, შემდეგ უკვე კეთდება მონახაზები და იწყება ყველა დეტალის თანდათანობით ნახშირით დამუშავება

დღეს, ამ მხრივ, რას საქმიანობ?

დღეისათვის ვმუშაობ ერთერთ სამხატვრო სტუდიაში და, პარალელურად, ვცდილობ, საკუთარ შემოქმედებასაც დავუთმო დრო.

ავტორი: მარიამ ტიელიძე

Please follow and like us: