კვება და მასთან დაკავშირებული მოცემულობები სხვადასხვა ადამიანისთვის ინდივიდურად აღქმადია. ვისთვის ეს პროცერი ჩვეული მოთხოვნილების დაკმაყოფილებაა, სხვებისთვის კი საკვების მომზადებაც და მიღებაც ხელოვნებაა.
კიდევ უფრო სხვა საკითხია, რომ ვერ აუღია ხორცპროდუქტების მომხმარებელ ადამიანს, რატომ არ მიირთმევს ზოგი ხორცს. სხვათა შორის, ეს ადამიანები დარწმუნებულებიც კი არიან, რომ ვეგეტარიანელები უგემურ საკვებს მიირთმევენ.
საქართველოში არსებობს სივრცე, რომელიც სწორედ ვეგეეტარიანელების სურვილებსა და ინტერესებზეა მორგებული. “გობი” ზუსტად ამ კატეგორიის ადამიანებისთვიე დაფუძნდა.
უფრო დეტალურად, “თბილისი თაიმსის” შეკითხვებს “გობის” დირექტორი, ნატო ყვავილაშვილი პასუხობს.
რამდენი ხანია, რაც არსებობთ და რა იდეით დაფუძნდით?
დავფუძნდით 2018 წლის დეკემბერში. გვინდოდა, გაგვეკეთებინა ვეგეტარიანული სამზარეულო, რომელიც მომხმარებელს, ვინც უპირატესობას უხორცო საჭმელს ანიჭებს, შესთავაზებდა ჯანსაღ და გემრიელ საჭმელს, რომელიც ასევე “fast food”-ის, ანუ სწრაფი კვების კონცეფციის მატარებელია, მაგრამ, ამავდროულად, ჯანსაღ და ცოცხალ პროდუქტსაც შეიცავს. ზოგადად, ასევე ვემსახურებით უხორცო კერძების პოპულარიზაციას და გვინდა, დავამტკიცოთ, რომ ვეგეარიანული სამზრეულოც უსაზღვროა, უხორცო საჭმელიც გემრიელია და დასანაყრებლად სულაც არაა აუცილებელი, ადამიანმა ხორცი მიიღოს.
უფრო კონკრეტულად, რით არის გამორჩეული თქვენი ბიზნესი?
გამორჩეულია იმით, რომ ვეგეტარიანულია, სწრაფი კვებაა – მაგრამ ჯანსაღი და ახალი პროდუქტისგან მზადდება ყველაფერი, რაც ასევე იმას ამტკიცებს, რომ სწრაფი კვება შესაძლოა, ჯანსაღი და გემრიელი იყოს, გარდა ამისა – ნაკლებცხიმიანი. ასევე, ჩვენი კოცეფციის ერთერთი მთავარი ნაწილია გობები – რამდენიმე გობი გვაქვს, სადაც 6-7 კერძი იდება და ადამიანი იღებს დაბალანსებულ კვებას, სადაც არის ბოსტნეულიც, ბურღულეულიც, რძის ნაწარმიც, სხვადასხვა კერძის მირთმევით ადამიანი უფრო მარტივად ნაყრდება კიდეც და თან მსუბუქად იკვებება. გობის პრინციპი აღებულია ძველი გობიდან, სადაც მრავალნაირი საჭმელი იდებოდა ხოლმე და ქართველები ამ გობიდან მე-გობ-რებთან ერთად, ანუ გობის გამზარებლებთან ერთად იღებდნენ საკვებს.
ბევრია დაინტერესებული იმ ტიპის საკვებით, რასაც მომხმარებელს თქვენ სთავაზობთ?
სამწუხაროდ, ეს არის ჩვენი მთავარი გამოწვევა. ძირითადად, ვეგეტარიანელები მოიხმარენ ჩვენს საკვებს, თუმცა, გვყავს ისეთი მომხმარებლებიც, რომლებიც ხორცსაც ჭამენ, მაგრამ ჩვენი კერძებიც ძლაიან უყვართ. მუდმივად ვმუშაობთ იმაზე, რომ ჩვენი მომხარებელიბის რაოდენობა გავზარდოთ, რათა უფრო მეტმა გასინჯოს ჩვენი საკვები.
სიახლეებზე რას გვეტყვით – რამდენად ხშირად ანებივრებთ მსურველებს?
ამ ეტაპამდე ბევრი სიახლე არ გვქონია, მაგრამ უახლოეს მომვალაში ვგეგმავთ მენიუს განახლებასა და კერძების დამატებას, რომ ჩვენ ვეგეტარიანელ და ასევე არავეგეტარიანელ მომხარებლებსაც მეტი არჩევანი შევთავაზოთ
გაფართოების თვალსაზრისით, რამე გეგმები ხომ არ გაქვთ?
უახლოეს მომავალში კონკრეტული გეგმა არ გვაქვს, მაგრამ თუ ყველაფერი ჩვენი გეგმის მიხედვით წავა, აუცილებლად ვგეგმავთ გაფართოებას ერთი წლის შემდეგ – როგორც სამზარეულოს გაფართოევას, ისე – ფილიალის დამატებას.
მასალა მოამზადა : მარიამ ტიელიძემ
