საქართველოში დღემდე მიმდინარე პროექტ “ნიჭიერში” გამარჯვრბის შემდეგ, ბარბარა სამხარაძემ ბრიტანულ “ნიჭიერში” მონაწილეობის მიღება გადაწყვიტა. ქართველებმა, და არამხოლოდ მათ, იდეალურად იციან მომღერლის შესანიშნავი ნიჭისა და მუსიკალური შესაძლებლობების შესახებ.
ბარბარას ამ გადაწყვეტილების შესახებ მისმა გულშემატკივარმა მის მიერვე გავრცელებული ინფორმაციიდან შეიტყო. მათ საკუთარ რჩეულს ულევი წარმატება უსურვეს და კიდევ ერთხელ გაესვა ხაზი, რამდენად უნაკლოა მისი მონაცემები. მათ იციან, რომ ბარბარას პროექტებში არაერთი წარმატებისთვის მიუღწევია. “თბილისი თაიმსს” მომღერალი თავად ესაუბრა.
რა მიზეზების გამო მიიღე გადაწყვეტილება, ბრიტანულ “ნიჭიერში” მიგეღო მონაწილეობა?
სიმართლე გითხრათ, არ ვიცი, ასე სპონტანურად მივიღე გადაწყვეტილება. ჩემი დაბადების დღის დილას კი გავაგზავნე ჩემი ვიდეოები.
რა მნიშვნელობისაა შენთვის მასში წარმატების მიღწევა?
არ მგონია, მსოფლიოში იყოს მოყვარული მომღერალი, ვისაც დიდ აუდიტორიასთან სიმღერა არ უნდოდეს და არ ჰქონდეს სურვილი, ნახოს ცნობილი ადამიანები, ვისაც ყველა კარგად იცნობს. სწორედ ამიტომ არის მნიშვნელოვანი.
ემოციურად, რა განსხვავებაა ქართულ და უცხოულ “ნიჭიერს” შორის შენთვის?
აქ ყველას თავის გულშემატკივარი ჰყავს და საზღვარგარეთ მთელი ქვეყანა მგულშემატკივრობს, ასევე, რაღაც სხვაა…
