“ჩემი მოკრძალებული ხედვით, ქვეყანაში მიმდინარე საკმაოდ საინტერესო პოლიტიკურ პროცესებს მინდა გამოვეხმაურო. რა თქმა უნდა, არანაირი პოლიტიკური ინტერესები არ მაქვს, ჯერჯერობით მაინც, თუმცა ჩემს აზრს, როგორც ერთი რიგითი მოქალაქე, – ისე დავაფიქსირებდი. არჩევნების მოახლოებასთან ერთად, კიდევ უფრო მეტად საინტერესო ხდება კოალიციაში მიმდინარე პროცესები. კოალიცია ქართული ოცნება, როგორც მოგეხსენებათ 2011 წელს ჩამოყალიბდა. პარტიის მიზანი ნაციონალური მოძრაობის ხელისუფლებიდან გადაყენება და ბიძინა ივანიშვილის ხელისუფლებაში მოსვლა იყო, რაც ნამდვილად გამოუვიდათ. საინტერესოა, რომ კოალიცია 6 სხვადასხვა იდეოლოგის მატარებელი პარტიისგან შეიქმნა: ქართული ოცნება, თავისუფალი დემოკრატები, რესპუბლიკური პარტია, ეროვნული ფორუმი, კონსერვატორები და მრეწველები
პირველი პარტია, რომელმაც დატოვა კოალიცია ეს იყო „თავისუფალი დემოკრატები“. დღეს ისინი არჩევნებში დამოუკიდებლად აპირებენ მონაწილეობას. რესპუბლიკელებს მოუწევთ ასევე დამოუკიდებად იყარონ კენჭი არჩევნებზე. საინტერესო გახლავთ ის, რომ მიუხედავად ამ გადაწყვეტილებისა არ ტოვენებ კუთვნილ თანამდებბებს და აგრძელებენ ქართულ ოცნებასთან თანამშრომლობას. როგორც დავით უსუფაშვილი აცხადებს „რესპუბლიკური პარტია და ქართული ოცნება დღემდე იყვნენ პარტნიორობის რეჟიმში, დღეიდან გადადიან პარტნიორობა-კონკურენციის რეჟიმში“. ვფიქრობ, – ეს მიუღებელია. ხელისუფლებაში მყოფი ორი მხარე, რომლებიც ფაქტობრივად კონკურენტები არიან, რთულია ისეთი შედეგი დადონ, რაც დღეს ქართულ საზოგადოებას სურს და სჭირდება. ასე, რომ ვფიქრობ არამგონია რესპუბლიკელებმა მინისტრის რანგები შეინარჩუნონ არჩევნებამდე. საინტერესოა, როგორ უნდა აწარმოონ საარჩევნო კამპანია? ხელისუფლება რაღაც დოზით ხომ უნდა გააკრიტიკო? რესპუბლიკელები ერთმანეთის კრიტიკაში? პოლიტიკური კოლაფსია! აგრეთვე, კოალიციას გამოეყო ეროვნული ფორუმი, რომელიც ასევე დამოუკიდებლად იყრის არჩევნებზე კენჭს. მრეწველები კი გამომდინარე თოფაძის განცხადებებისა, ალბათ აღარ განიხილებიან პოლიტიკურ სპექტრში! საინტერესოა ეს პარტიები რამდენად შეძლებენ დამოუკიდებლად ბარიერის გადალახვას. წინ დიდი სირთულეები ელით. სავსებით შესაძლებებელია, დარჩნენ პარლამეტის მიღმა! უნდა აღინიშნოს, რომ კოალიციის დაშლა როგორც ასეთი, მიზეზი იყო შიდა დაპირისპირებისა, რაც ბოლომდე ცნობილი არ არის საზოგადოებისთვის. ვფიქრობ, უბრალო ხალხს, არც სამომავლოდ გვეცოდინება ამის შესახებ. ასევე, საკმაოდ რთულია ისეთი პარტიების ერთად მუშაობა რომლებიც სხვადასხვა იდეოლოგიის მატარებლები არიან.
დღევანდელ პოლიტიკურ სპექტრში მრავლად არიან პოლიტიკოსები, რომლებიც ჩვენდა სამწუხაროდ, დილეტანტები არიან და მოუწევთ რბილი სავარძლების დატოვება! ჩემთვის ერთ-ერთი საყვარელი პოლიტიკოსის რეიგანის სიტყვები მახსენდება : „პოლიტიკა ცუდი პროფესია არაა, თუ წარმატებული აღმოჩნდი ბევრ ჯილდოსაც მიიღებ და თუ კი თავს შეირცხვენ ყოველთვის გაქვს შანსი წიგნი დაწერო“. ჯილდოების რა მოგახსენოთ, მაგრამ წიგნების წერა ნამდვილად ბევრს მოუწევთ! ქართველი ხალხი, ბრძენია! მჯერა, საზოგადოება მიიღებს ისეთ გადაწყვეტილებას რაც ქვეყნისთვის სასიკეთო იქნება. ვფიქროვ საზოგადოება ელოდება იმ ახალ სისხლს პოლიტიკაში, იმ წმინდა ბუნების ახალ თაობას, რომლებიც კიდევ უფრო მეტი სიჯანსაღით პასუხისმგებლობითა და შემართებით მოეკიდებიან იმ საქმეს, რომელსაც პოლიტიკა და ქვეყნის მართვა ჰქვია!
არ ვიცი ეს მოხდება ახლა, ამ არჩევნებზე თუ არა. თუმცა ფაქტია ეს მოხდება და ძალიან მალე, – “წერს საკუთარ ფეისბუკ გვერძე “ახალგაზრდული კონგრესისი” ხელმძღვანელი რატი რატიანი.
