საქართველოს კათოლიკოს-პატრიარქი პრემიერ-მინისტრს გიორგი მარგველაშვილის გამარჯვებას ულოცავს.
“მის აღმატებულებას, საქართველოს პრემიერ-მინისტრ ბატონ ბიძინა ივანიშვილს , თქვენო აღმატებულებავ, საქართველოს პრეზიდენტად ბატონ გიორგი მარგველაშვილის არჩევა თქვენი წარდგინებით მოხდა, ამიტომაც პირადად გილოცავთ მის დამაჯერებელ გამარჯვებას.
ქვეყანამ მეტად რთული 20 წელი განვლო. ხალხი იმედით შეჰყურებს მომავალს და ამ იმედს ძირითადად თქვენზე ამყარებს. რა თქმა უნდა, ეს დიდი პატივიცაა და პასუხისმგებლობაც.
ღმერთმა მოგცეთ ძალა წარმატებული, ღვთისმოყვარული, განათლებული, სამართლიანი, მშვიდობიანი ქვეყნის აღმშენებლობისა.
უფალი იყოს თქვენი და სრულიად საქართველოს შემწე და მფარველი”, – ნათქვამია პატრიარქის მილოცვაში.
30.10.13
