კათოლიკური სამყარო შობის ბრწყინვალე დღესასწაულს ზეიმობს

25 დეკემბერს სრულიად კათოლიკური სამყარო შობის ბრწყინვალე დღესასწაულს აღნიშნავს.

ქრისტეს შობა უმნიშვნელოვანეს ქრისტიანულ დღესასწაულს წარმოადგენს, ამიტომაც კათოლიკე მრევლი შობისთვის 4 კვირის განმავლობაში წინასწარ ემზადება. ამ პერიოდს კათოლიკეები ადვენტს უწოდებენ, რაც სასიხარული მოლოდინისთვის მზადებას გულისხმობს.

ადვენტის პერიოდში კათოლიკე ქრისტიანები მაცხოვრის დაბადებისთვის სულიერად ემზადებიან, რაც აღსარების საიდუმლოსა და მარხვას გულისხმობს. ადვენტის ჟამი კათოლიკეებს მოუწოდებს-„იფხიზლე“, ამიტომაც მორწმუნეთათვის წირვა ყოველდღე გამთენიისას, დილის 7 საათზე აღესრულება.

როგორც წესი, ყველაზე მაშტაბურად კათოლიკური შობა ბეთლემში აღენიშნება ხოლმე, იქ, სადაც გადმოცემის თანახმად იშვა ქრისტე. აქედან გამომდინარე, ზეიმის მთავარ ადგილად შობის სახელობის ეკლესია ექცევა. წესის თანახმად, მორწმუნეთა წინაშე იერუსალიმის პატრიარქი წარსდგება ხოლმე.

გარდა ბეთლემისა, კათოლიკური შობა აღინიშნება ვატიკანშიც, წმ. პეტრეს ტაძარში, სადაც საშობაო მესას რომის პაპი უძღვება.

მასალა მოამზადა: თორნიკე ყრუაშვილმა.