გასტრონომია არის ერთერთი მთავარი მიზეზი იმისა, თუ რატომ არის საქართველო უცხოელებისთვის გამორჩეულად მიმზიდველი ქვეყანა. ამ პატარა საზღვრებში სხვადასხვა კუთხეს მისთვის დამახასიათებელი კერძები, მათი მომზადების წესი და კულტურა აქვს.
ყველასთვის კარგად არის ცნობილი, რომ ღომისა და ელარჯის ფესვები სამეგრელოშია მოსაძებნი. ვერავინ მოამზადებს მათ ისე, როგორც ამ კუთხის წარმომადგენელი. გარდა ამისა, გამორჩეულია მეგრული ხაჭაპური, ფუჩხოლია, გებჟალია, კუჭმაჭი და ა.შ. ცალკე აღსანიშნია მეგრული აჯიკა, რომლის საუკეთესო რეცეპტიც ადგილობრივის ხელებია.
გურულ კვერებს შეუძლია, უკიდურესი აღმოსავლეთიდან უკიდურეს დასავლეთში გაგაჩინოს. ამ მხარეში სამზარეულოს გამორჩეული ატრიბური კეცია. გურიისთვის დამახასიათებელია საცივი, რომელიც ყველა სეზონს ძალიან უხდება.
რაჭული ლობიანისა და ლორია უბრო ხსენებაც კი ჟრუანტელისმომგვრელ ემოციებს აღძრავს – მსგავსს სხვაგან ვერსად მიირთმევთ. თუ მათი ნამდვილი გემოს გაგება გსურთ, მხოლოდ რაჭაში უნდა მიირთვათ – არსად სხვაგან. რაჭულ სამზარეულოზე საუბრისას არ უნდა გამოგვრჩეს შქმერული – უბრალოდ, იდეალური გემო.
აჭარა ცხიმიანი და ნოყიერი სამზარეულოთი გამოირჩევა. ამ კუთხისთვის დამახასიათებელია კერძებით, რომლებიც შეუძლებელია, ერთდროულად დიდი რაოდენობით მიირთვათ. გამორჩეულია კერძები: ბორანო, იახნი, აჩმა, სინორი და ა.შ. აუცილებლად უნდა აღვნიშნოთ აჭარული ხაჭაპური.
სამცხე-ჯავახეთი გამორჩეულია იმით, რომ აქ ძალიან უყვართ ცომეული. ყველასთვის კარგად არის ცნობილი მესხური ქადა, ასევე, თუთმაჯი. შეიძლება ითქვას, ამ მხარეში ტკბილეული განსაკუთრებულად მოთხოვნადია.
პირველი, რაც იმერულ სამზარეულოს უკავშირდება, იმერული ხაჭაპურია. იმერული მჭადი და ყველი კი საოცარ გემოს აღძრავს. იმერეთში განსაკუთრებით უყვარს ნიგვზიანი კერძების მომზადება.
ყველამ კარგად ვიცით, რომ ქართლში მეხილეობა წამყვანი საქმიანობაა. ამასთან, ეს კუთხე ცნობილია მწნილების სიუხვით. თუმცა, წვნიანი კერძებიც არანაკლებ მოთხოვნადია.
ჩვენი ქვეყნის მთიანი ნაწილი: ფშავი, თუშეთი, ხევსურეთი, მთიანეთი, უპირველესად, ხინკლით არის სახელგანთქმული. თითოეულ ნაწილში ამ კერძის ვერსიები განსხვავებულია. ასევეზ დამახასიათებელია რძის პროდუქტები და ხორცი.
შეიძლება ითქვას, კახეთი არის მხარე, რომლის კერძების ძირითადი ნაწილი ხორცთან არის დაკავშირებული. აქ მწვადი გამორჩეული იწვება. კახურ სუფრაე ყოველთვის არის ხაშლამა, აქაური ღვინო განსაკუთრებულია.
კუბდარი და ჭვიშტარი პირველია, რაც ჩვენთვის სვანურ სამსარელოსთან ასოცირდება. რძის პროდუქტები და ხორცი აქაც კერძების მომზადების მთავაფრი ატრიბუტებია.
მასალა მოამზადა : მატრიამ ტიელიძემ
