აშურა წინასწარმეტყველ მუჰამედის შვილიშვილის- იმამ ჰუსეინის ხსოვნისადმი მიძღვნილი გლოვის დღეა. იგი უძველეს მუსულმანურ დღესასწაულს წარმოადგენს.
იმამ ჰუსეინი VII საუკუნეში, 680 წელს, ქარბალაში (დღევანდელი ერაყის ტერიტორია) ბრძოლის დროს მოკლეს 72 მხლებელთან ერთად.
აშურა მაჰმადიანური მთვარის კალენდრის, მუჰარამის თვის (სექტემბერი), მეათე დღეს იწყება და ორ დღეს გრძელდება. დღესასწაულზე ამ სახელწოდების წვნიან კერძს ამზადებენ.
აღსანიშნავია ის ფაქტი, რომ დღესასწაული „მწუხარების დღეს“ გამოხატავს, ამიტომაც შიიტი მუსლიმები ამ დღეს ერთმანეთს კი არ ულოცავენ, არამედ უსამძიმებრენ. როგორც წესი, მორწმუნეები მსვლელობას აწყობენ და სამგლოვიარო გალობთა და მკერდში მჯიღის ცემით აღნიშნავენ.
არის შემთხვევები, როცა მორწმუნეები ცივი იარაღით საკუთარ სხეულს აყენებენ ტკივილს და ამით სიმბოლურად იმ ტანჯვას განიცდიან, რაც იმამ ჰუსეინმა გადაიტანა 680 წელს.
აშურას აღნიშნვნა დამახასიათებელი იყო აჭარის მუსულმანური მოსახლეობისთვისაც. ისინი დღესასწაულზე სპეციალურად ამზადებდნენ კერძს , რომელშიც ხურდა ფულს ყრიდნენ და მიაჩნდათ, რომ ვისაც საჭმელში ეს ფული შეხვდებოდა, მას სიმდიდრე არასდროს მოაკლდებოდა. ამ კერძს ისინი „აშურა შორვას“ უწოდებდნენ.
მასალა მოამზადა: თორნიკე ყრუაშვილმა.
