საფრანგეთის და გერმანიის შემდეგ სატელეფონო საუბრების, ამერიკის დაზვერვის მხრიდან ფარული მოსმენების თაობაზე, სკანდალი ესპანეთშიც აგორდა და აქაური მას-მედიის ვარაუდით ესპანეთშიც 60 მილიონამდე სატელეფონო საუბარია მოსმენილი, ხოლო ამის პარალელურად ესპანელების ელექტრონულ ფოსტებში არსებული ჩანაწერებიცაა წაკითხული.
ამ ინფორმაციამ ესპანელებიც შოკში ჩააგდო და საგარეო საქმეთა სამინისტროში დაიბარეს რა აშშ-ს ელჩი, მას სათანადო ახსნა-განმარტება მოსთხოვეს.
ზოგიერთი ცნობებით ამერიკის დაზვერვას მთელს მსოფლიოში 80 ადგილას გააჩნია ტექნიკური თვალთვალისა და მოსმენის ცენტრები და დღემდე 35 ევროპელი ლიდერის საუბრებს უსმენდნენ.
ამერიკული პრესის ცნობით კი ამ ფარული მოსმენების შესახებ არ იცოდა თვით ობამაც, რომელმაც ასეთი მოსმენების შეზღუდვის ბრძანება უკვე გასცა კიდეც.
30.10.13