მსოფლიოში არცერთი ეპიდემია არ დამარცხებულა ვაქცინაციის გარეშე, შეუძლებელია ადამიანებმა მუდმივად რეგულაციების ქვეშ ვიცხოვროთ, ამდენად ერთადერთი საიმედო გამოსავალი – ვაქცინაციაა, – ამის შესახებ თბილისის ინფექციური საავადმყოფოს ბოქსირებული განყოფილების ხელმძღვანელმა, მარინა ენდელაძემ „რუსთავი 2“-ის ეთერში განაცხადა.
მისი თქმით, საქართველოში ვაქცინაცია პირველ კვარტალში ჩატარდება.
„როგორც ვიცი, ქვეყანა ემზადება, რომ შემდეგ ვაქცინაცია მასობრივად მოხდეს. პირველ რიგში რისკჯგუფები აიცრებიან.
ვაქცინაცია ინფიცირებულთა შემთხვევებს შეამცირებს, მაგრამ პარალელურად, ჯერჯერობით რეგულაციების დაცვა ისევ მოგვიწევს“, – განაცხადა მარინა ენდელაძემ.