ESNS ჰოლანდიური ფესტივალია. 2021 წელს მასში მონაწილეობა მიიღო ელექტრონული მუსიკის კომპოზიტორმა, ანუშკა ჩხეიძემ. მისი ალბომი ევროპის საუკეთესო ალბომების დაჯილდოების ნომინანტი იყო. საკუთარ წარმატებასა და შესაბამის დეტალებზე ანუშკა „თბილისი თაიმსს“ უყვება.
რა მნიშვნელობის იყო თქვენთვის მასში მონაწილეობის მიღება?
ცოტა მეტად ვირწმუნე საკუთარი თავის. ყოველთვის მჯერა და სიყვარულით ვაკეთებ საქმეს, მაგრამ ადამიანებზე მოქმედებს პატარა წინ გადადგმული ნაბიჯებიც კი. ხანდახან მგონია, რომ გარშემო ბევრი წარმატება და საინტერესო მოვლენა ჩემს ცხოვრებაში მოჩვენებითია, მაგრამ მივხვდი, რომ ბედნიერება, თუნდაც იმ ფორმით, რომ ნომინანტი ხარ, უნდა მიიღო.
რა შესთავაზეთ მსმენელს?
ფესტივალზე – ESNS დავუკარი ერთი ტრეკი ალბომიდან, მეორე კი თავად ამ ლაივისთვის, ახალი კომპოზიცია.
რა სამომავლო გეგმები გაქვს ელექტრონული მუსიკის მიმართულებით, რას საქმიანობ ამ ეტაპზე?
ახლახან გამოვუშვი მეორე ალბომი, 5 თებერვალს, Move 20-21, რითაც ვფიქრობ, როგორც პიროვნული, ისე ზოგადი სალაპარაკო ამოვწურე, თავად საკუთარ თავშიც მნიშვნელოვანი გარდატეხა ვიგრძენი, ასე რომ, არ ვფიქრობ რამე განსაკუთრებულ გეგმებზე, თუმცა, სულ რაღაცას ვაკეთებ მუსიკაში.
ფესტივალ close encounter-ის ფარგლებში, გორის ქალთა გუნდს დავუწერე ახალი ნაწარმოები, რაზეც ამჟამად ვმუშაობთ.
მასალა მოამზადა : მარიამ ტიელიძემ
