წელს, მართლმადიდებლური სამყარო 24 აპრილს მართალი ლაზარეს მკვდრეთით აღდგინებას იხსენებს.
ლაზარე ებრაული სახელია და ქართულად „ღვთის წყალობას“ ნიშნავს. ლაზარე ბეთანიაში დაიბადა . იგი მართასა და მარიამის ძმა იყო. უფალ იესო ქრისტეს ძლიერ უყვარდა მართალი ლაზარე და მას თავის მეგობარს უწოდებდა.
ლაზარეს მკვდრეთით აღდგინება წინ უსწრებს მაცხოვრის აღდგომას. ამ სასწაულის შესახებ მოთხრობილია იოანეს სახარების მე-11 თავში, სადაც უფალმა დაადასტურა იმის შესაებ, რომ ის არის ჭეშმარიტად სიკვდილის მძლეველი, აღთქმული მესია ისრაელისა.
უფალს ლაზარეს აღდგინებით სურდა, რომ თავისი მკვდრეთით აღდგომისთვის შეემზადებინა მოციქულები.
როდესაც ლაზარე ავად გახდა, დებს მაცხოვრის სასწაულთმოქმედების იმედი ჰქონდათ, ამიტომაც პირველი ქრისტეს აცნობეს: „ უფალო, შენ ვინც გიყვარს, ავადაა“.. მათ იცოდნენ, რომ მაცხოვარი უთუოდ ინებებდა ლაზარეს განკურნებას.
წყარო: www.ambioni.ge
მასალა მოამზადა:თორნიკე ყრუაშვილმა